Оксфорд университетининг сиёсат ва халқаро муносабатлар бўйича ўқитувчиси Самюэль Рамани Twitter саҳифасида Россия Қозоғистондаги «миллатчилик» ва «экстремизм»ни йўқ қилишга ёрдам бериши ҳақидаги баёнот юзасидан твит қолдирди.
Россиянинг Қозоғистондаги элчиси Алексей Бородавкин Россия томони Тўқаевга мамлакатда «миллатчилик» ва «экстремизм»ни йўқ қилишга ёрдам беришини айтди. Бу баёнот Қозоғистонда катта норозиликларга сабаб бўлмоқда, — дейилади твитда.Қозоғистон қуйи палатаси спикери Эрлан Кошанов эса элчини россиялик тарғиботчилар билан келишмасликка очиқдан очиқ чақирган. Дмитрий Песковнинг таъкидлашича, давлат матбуотидаги «қозоқлар нацистлардир» деган шарҳлар расмий сиёсатни акс эттирмайди.
Қозоғистонлик жамоат арбоби ва профессионал журналист Арман Шураев Россиянинг Қозоғистондаги элчиси Бородавкиннинг гаплари ва таҳдидларига жавоб қайтарган. Унинг айтишича, Россия Қозоғистонга кириб келса, даштларда муддатли ҳарбий хизматчиларнинг жасадлари пайдо бўлади.
Самюэль Рамани твитига қолдирилган айрим фикрлар
Қозоғистонга бостириб кириш Украинага бостириб киришдан ҳам ёмонроқ. Қозоғистон асосан улкан дашт ва чўллардан иборат. Давлат, шунингдек, Украинадан анча катта, иқлими ҳам анча яхшироқ.
***
Қозоғистон қуруқлик орқали бир тонна ҳарбий ёрдам оладиган Украинадан фарқли ўлароқ, НАТО мамлакатлари билан чегарадош эмас, агар Россия бостириб кирса, Қозоғистон ҳалокатга маҳкум, чунки ҳеч ким уни қутқара олмайди.***
Қозоғистон Хитой ва маълум даражада Европа Иттифоқи томонидан қўллаб-қувватланади, лекин Украина каби эмас.
Изоҳ (0)