Ўзбекистонда электрдаги чекловлар пайтида вазирлик, ҳокимият ва давлат идораларида ҳам «свет» ўчади

Ўзбекистон энергетика вазири ўринбосари Шерзод Хўжаев энергоресурслар тақчиллиги бўйича энг кўп муҳокама қилинаётган саволларга жавоб қайтарди.

Электр энергиясини ўчириш графиги, яъни чекловлар давлат идораларига жорий этиладими?

Электр энергиясини режали ўчириш, таъминотдаги чекловлар давомида электрга уланган барча тоифадаги истеъмолчилар таъминотсиз қолади.

Ижтимоий соҳа объектлари, айниқса, касалхоналар ва шунга ўхшаш объектлар икки томонлама электр таъминотига уланган бўлгани туфайли бир томонлама ўчганда, иккинчи (захира) тармоғидан фойдаланади. Агарда захира тармоғи ҳам қайсидир сабабга кўра ўчган бўлса, демак, бу шифохоналарда дизель генераторлар ишга тушиб, керакли вақт давомида электр энергияси ишлаб чиқаради.

Лекин бу дажарада алоҳида муҳим аҳамиятга эга бўлмаган ташкилотларда ҳам узилишлар бўлади. Вазирлик, ҳокимликлар, бошқа давлат идораларида ҳам, — дейди вазир ўринбосари.