ОАВ: Криштиану Роналду Марокашга қарши баҳсни ҳам асосий таркибда бошламайди

Португалия терма жамоаси ҳужумчиси Криштиану Роналду ЖЧ—2022 чорак финали доирасидаги Марокашга қарши баҳсда ҳам захира ўриндиғида қолдирилади.

А Bola нашрининг хабарига кўра, Марокашга қарши ўйинда нимчорак финалда Швейцария дарвозасига учта гол урган Гонсалу Рамуш илк дақиқалардан майдонда ҳаракат қилади.

Роналду эса ўтган сафарги ўйиндагидек захирада қолади.

Криштиану нимчорак финал баҳсида 73-дақиқада Жоау Феликснинг ўрнига майдонга тушди. Португалиялик футболчи Швейцарияга қарши баҳсда голли вазиятларда иштирок этмади.

Португалия ва Марокаш ўртасидаги ўйин 10 декабрь куни ўтказилади.