Portugaliya terma jamoasi hujumchisi Krishtianu Ronaldu JCH—2022 chorak finali doirasidagi Marokashga qarshi bahsda ham zaxira o‘rindig‘ida qoldiriladi.
A Bola nashrining xabariga ko‘ra, Marokashga qarshi o‘yinda nimchorak finalda Shveysariya darvozasiga uchta gol urgan Gonsalu Ramush ilk daqiqalardan maydonda harakat qiladi.
Ronaldu esa o‘tgan safargi o‘yindagidek zaxirada qoladi.
Krishtianu nimchorak final bahsida 73-daqiqada Joau Feliksning o‘rniga maydonga tushdi. Portugaliyalik futbolchi Shveysariyaga qarshi bahsda golli vaziyatlarda ishtirok etmadi.
Portugaliya va Marokash o‘rtasidagi o‘yin 10-dekabr kuni o‘tkaziladi.
Izoh (0)