Маникюрдан заҳарланишгача: тирноқларда оқ доғлар нима сабабдан пайдо бўлади?

Мукаммал маникюрнинг организм учун фойдали томони йўқ. Бу шунчаки ташқи кўринишда ниманидир ўзгартириши мумкин. Аммо тирноқда оқ доғлар пайдо бўлишининг сабаби ҳам шу. Кўпинча улар хавфсиз сабабларга кўра юзага келади, лекин баъзида эҳтиёт бўлиш керак, деб ёзади «Lisa.ru».

Оқ доғларнинг пайдо бўлиш сабаблари:

• маникюр жараёнида шикастланиш;
• замбуруғ инфекцияси;
• минералларнинг танқислиги;
• дори воситаларини қабул қилиш;
• заҳарланиш.

Муаммодан қандай қутулиш мумкин?

Оқ доғлар илмий жиҳатдан лейконихия деб аталади, турли хил нарсалар, жумладан, тирноқ пластинкасининг шикастланиши ёки баъзи дориларга реакция бўлиши мумкин. Аммо шифокор кўригидан ўтиш учун жиддий сабаблар бор.

Маникюр жараёнида шикастланиш

Нотўғри тирноқ парвариши тирноқ остидаги терига зарар етказиши мумкин. Агар мутахассис ушбу процедурани жуда эҳтиёткорлик билан бажармаса, бу маникюр пайтида юз беради. Масалан, тирноқ пилкасидан жуда фаол фойдаланиш ёки шунга ўхшаш ҳаракатлар тирноқни зарарлайди. Шунингдек, оқ доғлар — бу маникюрни меъёрдан ортиқ амалга оширилганининг белгиси бўлиши ҳам мумкин.

Шикастланган тирноқларни даволашнинг энг яхши усули — уларнинг қайта ўсишига имкон беришдир. Бундан ташқари, тирноқ пластинкасига зарар бермасдан лак ёки бўёқларни олиб ташлаш учун маникюр усталарига мурожаат қилиш керак.

Замбуруғ инфекцияси

Аёлларнинг тирноқларида оқ доғларнинг яна бир кенг тарқалган сабаби — замбуруғ инфекциясидир. Улар тери ёки тирноқларнинг нозик ёриқлари орқали ҳам кириб келганида пайдо бўлади.

Замбуруғ пайдо бўлишининг олдини олиш учун қуйидаги чораларни кўриш керак:

• оёқ ва қўлларни яхшилаб ювиб ташлаш ва тўлиқ қуритиш;
• пайпоқларни мунтазам равишда алмаштириш;
• ҳаво ўтказадиган ва жуда тор бўлмаган пойабзал кийиш;
• мижозлар учун гигиена қоидаларига ўта қаттиқ риоя қиладиган салонларга ташриф буюриш;
• спорт залида кийиниш хоналари, бассейнлар каби жамоат жойларида ялангоёқ юришдан сақланиш.

Замбуруғ инфекцияси тирноқларнинг ёрилиши, қалинлашиши, сарғайиши ёки қорайишини ўз ичига олади. Шифокор инфекциядан халос бўлиш учун оғиз орқали замбуруғга қарши дориларни буюриши мумкин. Замбуруғ аста-секин йўқолади, шунинг учун тўлиқ даволанишга бир неча ой керак бўлиши мумкин. Баъзи оғир ҳолатларда шифокор тирноқни бутунлай олиб ташлашига тўғри келади.

Минераллар танқислиги

Баъзида тирноқлардаги оқ доғлар нимани англатиши ҳақидаги саволга жавоб оддий — кальций ёки рух каби минералларнинг етишмаслиги. Тирноқ пластинкаси кўплаб озиқ моддалардан иборат бўлганлиги сабабли уларнинг етишмаслиги дарҳол ташқи томондан ўзини намоён қилиши мумкин. Аммо бу фикрга қарши чиқадиган ва доғлар, эҳтимол, кичик жароҳатлар натижасидир, деб айтадиган мутахассислар бор.

Организмда минерал танқислигини кўрсатадиган яна бир қанча белгилар мавжуд. Кальций етишмаслиги қуйидаги ҳолатларда намоён бўлади:

• қуруқ тери;
• мўрт тирноқлар;
• томир тортишиши;
• қуруқ сочлар;
• хотиранинг пасайиши.

Рух танқислиги қуйидагиларга олиб келиши мумкин:

• соч тўкилиши;
• инфекциялар;
• иштаҳанинг пасайиши;
• яранинг узоқроқ даволаниши;
• диарея.

Дори воситаларини қабул қилиш

Баъзи дорилар тирноқларнинг ўсишини секинлаштириши ёки уларнинг пластинкаларига зарар етказиши мумкин:

• саратон касаллигини даволаш учун кимётерапия препаратлари;
• ҳуснбузарни даволашда ишлатиладиган ретиноидлар;
• баъзи антибиотиклар;
• литий препаратлари;
• замбуруғга қарши дорилар;
• қон босими дорилари.

Уларнинг барчаси тирноқларнинг юпқалашиши ва мўртлашишига олиб келиши мумкин. Тиббий даволанишда бошқа дорини қабул қилиш ҳақида шифокор билан маслаҳатлашиш мумкин.

Оғир металлар билан заҳарланиш

Жуда камдан-кам ҳолларда бу аломат заҳарланганликни кўрсатиши мумкин. Мисол учун экологик тоза маҳсулотлардан фойдаланилмаса ёки саноат буғларини нафас олинса юз беради.

Мишяк билан заҳарланиш тирноқларда оқ чизиқлар пайдо бўлишига олиб келиши мумкин. Бу бошқа аломатлар билан ҳам намоён бўлади:

• бош оғриғи;
• уйқучанлик;
• миядаги чалкашлик;
• диарея, қайт қилиш;
• тана ҳароратининг ортиши;
• қон босимининг пасайиши.

Таллий билан заҳарланишнинг белгилари қуйидагилардан иборат бўлиши мумкин:

• кўнгил айниши ёки қайт қилиш;
• қориндаги оғриқ;
• қаттиқ уйқучанлик;
• соч тўкилиши;
• асабийлик
• томир тортишиши.

Агар ушбу аломатлардан бири кузатилса, иложи борича тезроқ шифокорга мурожаат қилиш тавсия этилади.