Manikyurdan zaharlanishgacha: tirnoqlarda oq dog‘lar nima sababdan paydo bo‘ladi?

Mukammal manikyurning organizm uchun foydali tomoni yo‘q. Bu shunchaki tashqi ko‘rinishda nimanidir o‘zgartirishi mumkin. Ammo tirnoqda oq dog‘lar paydo bo‘lishining sababi ham shu. Ko‘pincha ular xavfsiz sabablarga ko‘ra yuzaga keladi, lekin ba’zida ehtiyot bo‘lish kerak, deb yozadi “Lisa.ru”.

Oq dog‘larning paydo bo‘lish sabablari:

• manikyur jarayonida shikastlanish;
• zamburug‘ infeksiyasi;
• minerallarning tanqisligi;
• dori vositalarini qabul qilish;
• zaharlanish.

Muammodan qanday qutulish mumkin?

Oq dog‘lar ilmiy jihatdan leykonixiya deb ataladi, turli xil narsalar, jumladan, tirnoq plastinkasining shikastlanishi yoki ba’zi dorilarga reaksiya bo‘lishi mumkin. Ammo shifokor ko‘rigidan o‘tish uchun jiddiy sabablar bor.

Manikyur jarayonida shikastlanish

Noto‘g‘ri tirnoq parvarishi tirnoq ostidagi teriga zarar yetkazishi mumkin. Agar mutaxassis ushbu protsedurani juda ehtiyotkorlik bilan bajarmasa, bu manikyur paytida yuz beradi. Masalan, tirnoq pilkasidan juda faol foydalanish yoki shunga o‘xshash harakatlar tirnoqni zararlaydi. Shuningdek, oq dog‘lar — bu manikyurni me’yordan ortiq amalga oshirilganining belgisi bo‘lishi ham mumkin.

Shikastlangan tirnoqlarni davolashning eng yaxshi usuli — ularning qayta o‘sishiga imkon berishdir. Bundan tashqari, tirnoq plastinkasiga zarar bermasdan lak yoki bo‘yoqlarni olib tashlash uchun manikyur ustalariga murojaat qilish kerak.

Zamburug‘ infeksiyasi

Ayollarning tirnoqlarida oq dog‘larning yana bir keng tarqalgan sababi — zamburug‘ infeksiyasidir. Ular teri yoki tirnoqlarning nozik yoriqlari orqali ham kirib kelganida paydo bo‘ladi.

Zamburug‘ paydo bo‘lishining oldini olish uchun quyidagi choralarni ko‘rish kerak:

• oyoq va qo‘llarni yaxshilab yuvib tashlash va to‘liq quritish;
• paypoqlarni muntazam ravishda almashtirish;
• havo o‘tkazadigan va juda tor bo‘lmagan poyabzal kiyish;
• mijozlar uchun gigiyena qoidalariga o‘ta qattiq rioya qiladigan salonlarga tashrif buyurish;
• sport zalida kiyinish xonalari, basseynlar kabi jamoat joylarida yalangoyoq yurishdan saqlanish.

Zamburug‘ infeksiyasi tirnoqlarning yorilishi, qalinlashishi, sarg‘ayishi yoki qorayishini o‘z ichiga oladi. Shifokor infeksiyadan xalos bo‘lish uchun og‘iz orqali zamburug‘ga qarshi dorilarni buyurishi mumkin. Zamburug‘ asta-sekin yo‘qoladi, shuning uchun to‘liq davolanishga bir necha oy kerak bo‘lishi mumkin. Ba’zi og‘ir holatlarda shifokor tirnoqni butunlay olib tashlashiga to‘g‘ri keladi.

Minerallar tanqisligi

Ba’zida tirnoqlardagi oq dog‘lar nimani anglatishi haqidagi savolga javob oddiy — kalsiy yoki rux kabi minerallarning yetishmasligi. Tirnoq plastinkasi ko‘plab oziq moddalardan iborat bo‘lganligi sababli ularning yetishmasligi darhol tashqi tomondan o‘zini namoyon qilishi mumkin. Ammo bu fikrga qarshi chiqadigan va dog‘lar, ehtimol, kichik jarohatlar natijasidir, deb aytadigan mutaxassislar bor.

Organizmda mineral tanqisligini ko‘rsatadigan yana bir qancha belgilar mavjud. Kalsiy yetishmasligi quyidagi holatlarda namoyon bo‘ladi:

• quruq teri;
• mo‘rt tirnoqlar;
• tomir tortishishi;
• quruq sochlar;
• xotiraning pasayishi.

Rux tanqisligi quyidagilarga olib kelishi mumkin:

• soch to‘kilishi;
• infeksiyalar;
• ishtahaning pasayishi;
• yaraning uzoqroq davolanishi;
• diareya.

Dori vositalarini qabul qilish

Ba’zi dorilar tirnoqlarning o‘sishini sekinlashtirishi yoki ularning plastinkalariga zarar yetkazishi mumkin:

• saraton kasalligini davolash uchun kimyoterapiya preparatlari;
• husnbuzarni davolashda ishlatiladigan retinoidlar;
• ba’zi antibiotiklar;
• litiy preparatlari;
• zamburug‘ga qarshi dorilar;
• qon bosimi dorilari.

Ularning barchasi tirnoqlarning yupqalashishi va mo‘rtlashishiga olib kelishi mumkin. Tibbiy davolanishda boshqa dorini qabul qilish haqida shifokor bilan maslahatlashish mumkin.

Og‘ir metallar bilan zaharlanish

Juda kamdan-kam hollarda bu alomat zaharlanganlikni ko‘rsatishi mumkin. Misol uchun ekologik toza mahsulotlardan foydalanilmasa yoki sanoat bug‘larini nafas olinsa yuz beradi.

Mishyak bilan zaharlanish tirnoqlarda oq chiziqlar paydo bo‘lishiga olib kelishi mumkin. Bu boshqa alomatlar bilan ham namoyon bo‘ladi:

• bosh og‘rig‘i;
• uyquchanlik;
• miyadagi chalkashlik;
• diareya, qayt qilish;
• tana haroratining ortishi;
• qon bosimining pasayishi.

Talliy bilan zaharlanishning belgilari quyidagilardan iborat bo‘lishi mumkin:

• ko‘ngil aynishi yoki qayt qilish;
• qorindagi og‘riq;
• qattiq uyquchanlik;
• soch to‘kilishi;
• asabiylik
• tomir tortishishi.

Agar ushbu alomatlardan biri kuzatilsa, iloji boricha tezroq shifokorga murojaat qilish tavsiya etiladi.