World Economic Magazine маълумотларига кўра TBC Bank Uzbekistan 2022 йилдаги «Ўзбекистоннинг энг яхши рақамли банки» деб топилди
TBC Bank Uzbekistan World Economic Magazine халқаро бизнес нашри томонидан «Ўзбекистонда 2022 йилнинг энг яхши рақамли банки» деб топилди.
Ушбу мукофот билан TBC Bank’нинг Ўзбекистон банк секторига рақамли технологияларни жорий қилиш бўйича эришган ютуқлари эътироф этилди. Банк TBC UZ мобил иловаси орқали «Space» инновацион fintex платформасига асосланган чакана банк хизматларини таклиф қилиб келади. Илова ишга тушганидан кейин икки йил ичида уни 3 миллионга яқин фойдаланувчи юклаб олди. Айни пайт TBC Bank Uzbekistan 2 миллиондан ортиқ рўйхатдан ўтган мижозларга юқори сифатли инновацион молиявий хизматлар тақдим қилиб келмоқда. Бугунги кунда Банк бутун мамлакат бўйлаб 10 та шоурум ва 41 та мижозларни фаоллаштириш нуқталарига эга.
«Ушбу машҳур ва нуфузли халқаро журналдан иккинчи бор ушбу мукофотни қабул қилиш биз учун улкан шараф. Сўнгги икки йил ичида биз энг қуйидан бошлаб янги рақамли банк ишга туширдик. Ушбу мукофот биз тўғри йўлда эканимизнинг исботи, дейиш мумкин. Бизнинг жамоа бундай ажойиб натижаларга эришиш учун ғоят катта ишни бажарди. World Economic Magazine журналининг «2022 йилнинг энг яхши рақамли банки» мукофотини бизнинг юқори сифатли хизматларни кўрсатишга бўлган содиқлигимизнинг эътирофи сифатида баҳолаш мумкин. Бу фойдаланувчиларга бўлган эътибор ва одамлар ҳаётини осонлаштириш учун мижозларга энг яхши хизматларни таклиф қилишга интилиш натижаси, деб ҳисоблайман», — деди TBC Bank Uzbekistan бош директори Спартак Тетрашвили.
World Economic Magazine’нинг ушбу мукофоти банк ва молия соҳасидаги самарадорлик, изчиллик ва барқарорлик намунаси сифатида кўрилади ва бутун дунёда компаниянинг муваффақиятлилиги белгиси ҳисобланади. Ғолибларни нашр муҳаррири ва тармоқ мутахассислари бошчилик қилувчи мукофотларни бериш қўмитаси аниқлайди.
Қўчимча маълумот:
Call center: 24/7 — 1150
Қўшимча маълумот worldecomag.com сайтида ёки grace@worldecomag.com электрон манзили орқали.
Реклама ҳуқуқи асосида.
