«Semurg Insurance» компанияси бош директори Раҳим Кадиров Каримович — боғбонларни ҳимоя қилиш, суғурта маданиятини ошириш ва халқаро суғурта тажрибасини Ўзбекистонда жорий этиш йўллари ҳақида.
«Semurg Insurance» АЖ ҚК – халқаро маҳсулотлар, хизматлар ва экспертизадан фойдаланиш имкониятига эга универсал суғурта компанияси.
Раҳим Каримович, ҳозирги кунда бутун республика бўйлаб кўплаб янги боғлар ташкил этилмоқда. Ўтган йилги совуқларни ҳисобга олиб, суғурта бизнинг боғбонларимиз учун қай даражада долзарб деб ҳисоблайсиз?
Боғларни суғурталаш бугунги кунда ҳар қачонгидан ҳам долзарб ҳисобланади. Иқлим шароити бизнинг кўз ўнгимизда ўзгариб бормоқда. Бу баҳорда ҳам совуқ об-ҳаво ҳосилни нобуд қилиши ва боғбонларимиз яна йўқотишларга дуч келишлари хавфи катта. Айнан суғурта уларнинг молиявий зарарларини минималлаштиришга ёрдам беради.
Масалан, баҳордаги совуқ об-ҳаво ҳосилни нобуд қилди дейлик. Агар боғбон ўз боғ ва узумзорларини бизнинг дастуримиз доирасида суғурталаган бўлса, «Semurg Insurance» унга ёқотилган даромадини қоплаб беради ва боғбон хотиржамлик билан кредитларини тўлаши ҳамда кейинги мавсумга тайёргарлик кўриш имкониятига эга бўлади.
Нима учун фермерлар ҳосилларини суғурталашга шошилмайдилар?
Иқтисодиётнинг талаб ва таклиф тушунчалари ҳеч биримизга бегона эмас. Ўзбекистон бозорида фермерлар томонидан уларнинг манфаатларини ҳимоя қиладиган суғурта дастурларига талаб бўлган, лекин уларни эҳтиёжларини қондирувчи таклиф тақдим этилмаган. Ҳозирги кунга қадар ҳосилни суғурталашнинг асосий сабаби банклар орқали қўйилган талаб бўлиб, кредит қайтарилмаган тақдирда пулни фермерлар эмас, балки банклар олган.
«Semurg Insurance» тўғридан-тўғри фермерларга суғурта тўловларини тўлаб берадиган Ўзбекистондаги биринчи суғурта компанияси ҳисобланади. Ўтган йили биз буғдой ва пахта ҳосилини суғурталаш дастурларини йўлга қўйган эдик, жорий йилда эса нигоҳимизни боғ ва узумзорларни суғурталашга қаратдик.
Бу бизнинг бозоримиз учун ноёб дастур ҳисобланади. Унинг ўзига хослиги шундаки, дастур молиявий хатарларни қопламайди, балки ҳосилга зарар етказадиган хавфли иқлим ҳодисалари содир бўлган пайтда фермерни қўллаб-қувватлайди ва уларга суғурта қопламаси тўлаб берилишини кафолатлайди. Бундай суғурта дастури нафақат фермерларнинг молиявий аҳволини яхшилаш учун шароит яратади, балки, мамлакатимизда суғурта маданиятини оширишга ҳам катта ҳисса қўшади.
«Semurg Insurance» суғурта маданиятини оширишга қандай ҳисса қўшади?
Биз хавф-хатар юқори бўлган қишлоқ хўжалиги соҳаси билан ишлаймиз. Мамлакатимизда қишлоқ хўжалиги ҳар йили табиий ва техноген офатлар таъсирида зарар кўриб, фермерларнинг хавф-хатарлари доимий равишда ортиб бормоқда. «Semurg Insurance» мижозлари ҳатто энг йирик суғурта ҳодисалари рўй берганда ҳам суғурта тўловини тўлаб берилишига ишонч ҳосил қилишлари мумкин. Мижозларимиз компаниямиздан тўловни олгач, ўз тажрибасида суғурта молиявий зараларни минималлаштираётганини кўради ва ундан молиявий таваккалчиликларни бошқариш воситаси сифатида фаол фойдалана бошлайди.
Мисол келтирадиган бўлсам, узум етиштирувчи боғбон узумзорини суғурта қилди ва совуқ туфайли нобуд бўлган ҳосил учун пул компенсациясини олди. Келаси йилда ушбу боғбон ўтган йилги тажрибасига таянган ҳолда пул тўлаб берилишига амин бўлгани учун нафақат узумзорини, балки техникасини ҳам суғурталайди. Орадан яна бир оз вақт ўтгач, у ўзини ва ходимларини бахтсиз ҳодисалардан суғурталаш ҳақида ўйлайди. Ижобий тажриба орқали суғурта маданияти ошади.
Semurg Insurance компанияси суғурта ҳодисалари учун тўловларни нима ҳисобига кафолатлайди?
Суғурта тўловлари бизнинг энг йирик халқаро қайта суғурталовчилар билан ҳамкорлигимиз ҳисобига кафолатланади. Масалан, бизнинг ноёб агросаноат дастуримиз узоқ йиллик ҳамкоримиз, Швэтсариянинг Swiss Re компанияси билан биргаликда ишлаб чиқилган. Swiss Re – халқаро суғурта бозорида энг юқори ишончлилик рейтингига эга ва аграр хатарларни ҳимоя қилиш бўйича етакчи қайта суғурталовчи компаниядир.
Шунингдек, биз мижозларимизга хизмат кўрсатишнинг энг юқори сифатини кафолатлаймиз, чунки компаниямизда Буюк Британия, Швэтсария ва Малайзия суғурта бозорларида катта тажрибага эга бўлган профессионал ҳодимлар фаолият юритадилар.
Реклама ҳуқуқи асосида.
Изоҳ (0)