Туркияда 4 декабрь куни актёр Жем Давран ва Чағла Шикел бошчилигида «Олтин Капалак» мукофотининг 48-тақдирлаш маросими бўлиб ўтди. Танловда Туркиянинг 10 нафар таниқли актёр ва актрисалари «Энг яхши актёр», «Энг яхши актриса» ва бошқа номинацияларда ғолибликка даъвогарлик қилди.
Баъзи мухлислар танловнинг натижасидан ҳайратда қолди, баъзилари эса ўзининг севимли актёри ёки актрисаси ғолибликни қўлга киритганидан хурсанд бўлди. Номинациялар бўйича ғолиблар жамоатчилик овози ва ҳакамлар ҳайъати баҳосига кўра танланди, умуман олганда, томошабинлар ва кино мутахассисларининг фикри инобатга олинди.
Танлов турк оммавий ахборот воситаларида обрўсизлантирган ва кўплаб машҳурлар унинг натижаларини тан олишдан бош тортган бўлса-да, кўплаб мухлислар унинг натижаси билан қизиқди. Мукофот эса актёр, актрисалар, суратга олиш гуруҳлари меҳнатининг натижаси ҳисобланади.
Танловдаги иштирокчилар турли: хонандачилик, актёр, актриса, телебошловчи, телекўрсатув, спорт кўрсатуви йўналишларида қатнашди.
«Ҳукм» сериали кўплаб номинацияларда ғолибликни қўлга киритди.
«Йилнинг энг яхши сериали» — «Ҳукм»
«Ҳукм» сериали иккинчи мавсумда кўплаб томошабинларнинг эътиборига тушган телелойиҳага айланди. Томошабинлар ва кино мутахассислари «Ҳукм» сериалини ушбу йўналишда ғолибликка лойиқ кўрди.
«Йилнинг энг яхши актрисаси» — Пинар Дениз
«Ҳукм» сериалида адвокат Жейлин образини жонлантирган Пинар Дениз «2022 йилнинг энг яхши актрисаси» деб топилди.
«Йилнинг энг яхши актёри» — Каан Урганжиўғлу
«Ҳукм» сериалида бош ролни ижро этган актёр Каан Урганжиўғлу ўз яқинларини севишни ва уларга садоқатли бўлишни биладиган ҳалол, адолатли прокурор Илгаз образини гавдалантирди.
Пинар Дениз бутун жамоасига ва партнёрига қўллаб-қувватлагани учун миннатдорчилик билдирди.
«Сиз доим ёнимда бўлдингиз, азиз партнёрим Каан. Айниқса, сиз менга йўл кўрсатдингиз, менинг ажойиб жамоам бор», — дейди актриса.
«Йилнинг энг яхши режиссёри» — Али Билгин «Ҳукм» сериали
Али Билгин — таниқли турк режиссёри, сценарий муаллифи, продюсери ва актёри, унинг фильмографиясида 17 та лойиҳа мавжуд. Улардан энг машҳурлари: «Тўлқин», «Жасур ва гўзал», «Қарға», «Агентимга қўнғироқ қилинг», «Орол эртаги» лойиҳаларидир.
«Энг яхши сценарий» — Сема Эргенекон «Ҳукм» сериали
Таниқли турк сценарий муаллифи Сема Эргенеконнинг кўплаб лойиҳалари мувафаққиятга эришган. Унинг фильмографиясида 19 та лойиҳа мавжуд. Энг машҳурлари «Кумуш», «Сила. Уйга қайтиш», «Лолалар вақти», «Кара амаки», «Пул ва гул ишқи», «Оқ-қора севги», «Гулпари», «Совуқ» лойиҳаларидир.
«Актрисалик йўналиши бўйича йил кашфиётлари» — Нилсу Акташ
«Gelsin hayat bildiği gibi» сериалида рол ўйнаган актриса Нилса Берфин Акташ «Актрисалик йўналиши бўйича йил кашфиёти» йўналишида ғолибликни қўлга киритди.
«Уч опа-сингил» сериалида бош ролни ижро этган актриса Ўзгу Кая 2-мавсумда уч опа-сингил ҳаёти ҳақидаги таъсирли ҳикояси билан томошабинларни ўзига ром этди.
АТВ телеканалида уч мавсумдан бери намойиш этилаётган «Оила учун» сериалида суратга тушаётган актриса Су Буржу Язги Жошкун ҳам ушбу йўналишда ғолиб бўлди.
Тарик Текин «Фаришталар эртаги» сериалидаги Онур ролини ижро этди. Сериалнинг рейтинги паст бўлса-да, мавзу ва актёрлар машҳурликка эришди.
«Интернетдаги энг яхши сериал» — «Дунё ва менинг ўртамда»
«Энг яхши комедик сериал» — «Gibi»
«Энг яхши комедик актёр» — Феяз Йигит
Актёр Феяз Йигит «Gibi» сериалида бош қаҳрамонлардан бири Йилмаз ролини ижро этган.
«Энг яхши комедик актриса» — Эзги Мола
Эзги Мола Netflix’да намойиш этилган «Эршан кунери» сериалидаги роли учун «Олтин капалак» мукофотини олди.
«Экрандаги энг яхши жуфтлик» — Онур Яран ва Су Буржу Язги Жошкун
«Оила учун» сериалидаги Дорук ролини ижро этган актёр Онур Сеит Яран ва Асие образини гавдалантирган актриса Су Буржу Язги Жошкун экрандаги энг яхши жуфтлик бўлди. Бунинг ажабланарли жойи йўқ, уч мавсум давомида бу жуфтлик ижтимоий тармоқларда энг кўп тилга олинган сериал жуфтликлари 10 талигида биринчи ўринни эгаллаган.
Илайда Алишан ва Бурак Ёрук — «Романтик комедия сериалидаги энг яхши актёрлар»
Актёр Илайда Алишан ва Бурак Ёрук «Севиб қоласиз» сериалидаги иштироки учун мукофотга эга бўлди. Лойиҳа юқори рейтингга эга бўлмаса-да, хорижий давлатлар ситкомга қизиқиш билдиришди ва флаерни ўз мамлакатларида трансляция қилиш ҳуқуқини сотиб олди.
«Энг яхши митти актёр» — Азра Аксу
Азра Аксу ёш бўлишига қарамай, Туркияда машҳурликка эришган. У атиги 1 ёшида кўплаб компанияларнинг реклама юзига айланган. Унинг биринчи эътиборга молик роли 2021 йилда экранларга чиққан «Бу менинг эртагим» телесериалида, кейин эса «Тақдирим ўйини» романтик комедиясида бўлган. Ҳозир Азра 2022—2023 йилги мавсумнинг янгилиги «Кичик ёруғлик нури»да Гунеш ролини ижро этади. Кичкина қизалоқ учун қийин рол, унинг қаҳрамони гапира олмаслиги ва қаҳрамон барча ҳис-туйғуларини, тажрибаларини юз ифодалари, имо-ишоралар, кўзлар билан етказиши керак бўлади.
Бутун жамоасига, айниқса, онаси ва отасига миннатдорчилик билдирган Азра Аксу мукофотни олишдан олдин: «Илтимос, уйсиз ҳайвонларни асрайлик. Уларни севайлик ва ҳимоя қилайлик. Зарар етказмайлик, мен шуни хоҳлайман», — деб фикр билдирди ва томошабинларнинг гулдурос қарсакларини олди.
Шоу-бизнес юлдузлари тўпланадиган ҳар қандай тадбир сингари, бу маросим ҳам мухлисларнинг аралаш изоҳларига сабаб бўлган ажойиб либослар билан ёдда қолди.
Мавзуга доир:
- Турк киноси янгиликлари: Дениз Байсал ва Мурат Йилдирим битта сериалда суратга тушмоқда, Жан Яман фильм премьераси учун Италияга борди.
- Эбру Шаҳин Америкага кўчиб кетмоқда, Ҳанде Эрчел Disney билан шартнома имзолади. Турк киноси янгиликлари (фото).
- 2022—2023 йил куз-қиш мавсумида намойиш этилиши кутилаётган турк киноси янгиликлари (фото).
- Чағлар Эртуғрул Дениз Байсал билан яна бир кинода суратга тушишни режалаштирмоқда, Жан Яманнинг Италиядаги лойиҳаси, Йилдиз ва Эндер «Қора ниятни тарк этадими? Турк киноси янгиликлари.
Изоҳ (0)