Британиянинг энг йирик касаба уюшмалари ассоциацияси Trades Union Congress (TUC) ҳисоб-китобларига кўра, анъанавий Рождество кечки овқатига киритилган маҳсулотлар нархи 2022 йилда маошдан уч бараварга ошган. Маълумотлар бугун, 5 декабрь куни эълон қилинган.
TUC таҳлилчиларининг ҳисоб-китобларига кўра, Рождество кечки овқатлари нархи йилига 18 фоизга ошган. Бу истеъмолчи инфляциясидан (11,1 фоиз) юқори.
Мазкур даврда иш ҳақи ўртача атиги 5,7 фоизга ошди. Рождество тўплами курка, чўчқа гўшти, сабзавотлар каби маҳсулотларни, шунингдек, кечки овқатни тайёрлаш учун зарур бўлган газ ва электр энергиясини ўз ичига олади.
TUC Буюк Британия ҳукуматини яшаш нархининг ошишини тўхтатиш ва ишчиларни рецессия билан боғлиқ қашшоқликдан ҳимоя қилиш учун ҳозир ҳаракат қилишга чақирди.
Бошқа нарсалар қаторида, касаба уюшмаси энг кам иш ҳақини соатига 15 фунт стерлингга (18,5 доллар) оширишни, яшаш нархининг ўсишига қараб бюджет сектори ходимларининг иш ҳақини индексация қилишни, шунингдек, касаба уюшмаларининг имкониятларини кенгайтиришни талаб қилмоқда.
Мавзуга доир:
Изоҳ (0)