Тошкент шаҳар, Яшнобод тумани, Қорасув кўчасидаги спорт марказининг устав фондидаги давлат улуши кимошди савдосига қўйилди. Маълумотлар «E-auksion» порталида эълон қилинган.
Лот аукционга Давлат активларини бошқариш агентлиги Тошкент шаҳар ҳудудий бошқармаси томонидан қўйилган.
«Авиасозлар» спорт марказининг устав капитали 5 трлн сўмни ташкил қилади. Унинг умумий ер майдони 0,76 гектар. Марказнинг:
- айланма активлари — 35,1 млн сўм;
- дебиторлик қарзлари — 18,1 млн сўм;
- кредиторлик қарзлари — 59 млн сўм.
Лот изоҳида ёзилишича, аукцион ғолиби жамиятнинг барча кредиторлик ва дебиторлик қарздорликлари билан биргаликда қабул қилади.
Аукционга қўйилган спорт марказининг бошланғич баҳоси — 29,5 млрд сўм. Аризалар 2 январь 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкент вилоятидаги парранда фабрикаси 35 млрд сўмга аукционга қўйилгани ҳақида хабар берилган эди.
Изоҳ (0)