Илон Маск сохта аккаунтларни блоклаш бошлангани муносабати билан Twitter ижтимоий тармоғи фойдаланувчилари камайганини маълум қилди. Бу ҳақда у Twitter’даги саҳифасида хабар берди.
Twitter ҳозирда кўплаб сохта ва спам аккаунтларни ўчириб ташламоқда, шунинг учун сизда обуначилар сони камайиши мумкин, — деб ёзган Маск.
Илон Маск Twitter’ни сотиб олиш бўйича келишувни 27 октябрь куни якунлаб, компания учун 44 миллиард доллар тўлаган.
Шундан сўнг, тадбиркор ижтимоий тармоқ ходимларининг ярмига яқинини ишдан бўшатди, қолганларни эса юқори интенсивлик билан ишлаш кераклиги ҳақида огоҳлантирди.
ОАВ хабарларига кўра, ушбу воқеалар фонида платформа фаолиятини сақлаб қолиш учун муҳим бўлган кўплаб ходимлар Twitter’ни тарк этган.
Аввалроқ Twitter’дан фойдаланувчилар сони ойига бир миллиардга етиши мумкинлиги ҳақида хабар берилганди.
Изоҳ (0)