Тошкентда 12 ёшли қиз ўзини осиб ўлдиргани бўйича қўшимча маълумот берилди

Тошкентда 12 ёшли қиз ўз жонига қасд қилгани ҳақида хабар берилганди. Мирзо Улуғбек тумани ҳокимлиги ҳолат юзасидан муносабат билдирди.

Қайд этилишича, З.А. Мирзо Улуғбек тумани халқ таълими бўлими тасарруфидаги 241-сонли умумтаълим мактаби 7-А синф ўқувчиси бўлган. У 28 ноябрь куни тахминан соат 18:00 атрофида Олтинтепа кўчаси 203-уйда — яшаш ҳовлисидаги дарахтга ўзини ўзини осган ва вафот этган.

Ўқувчи нотўлиқ оилада тарбия олади. Отаси А.Д. 2 йил олдин касаллик билан вафот этган. Онаси Л.Д. ишлаш учун Туркия давлатига кетган. Вояга етмаган З.А. кўрсатилган манзилда 2 нафар акаси (бири оилали ва иккинчиси вояга етмаган) билан бирга яшаган.

Ўқувчи 24, 26, 28 ноябрь кунлари дарс машғулотларига қатнашмаган, сабаби ўрганилганда ўқувчининг шамоллагани аниқланган. Ўқувчи қиз қўшнилар томонидан яхши тавсифланади. Синф раҳбари ва онаси ўртасида доимий уяли алоқа орқали мулоқот қилиб турилган. Ўқувчилар билан унинг ўртасида ҳеч қандай нохуш ҳолат кузатилмаган, — дейилади хабарда.Ҳозирги вақтда тегишли ташкилотлар томонидан ушбу ҳолат атрофлича ўрганилмоқда.

Мавзуга доир:

• Андижонда тадбиркор ўзини даладаги дарахтга арқон билан осиб ўлдирди
• Наманганда 33 ёшли эркак тотализатор сабабли ўзини осиб қўйди
• Қашқадарёда 17 ёшли қиз ўзини осиб қўйди