Toshkentda 12 yoshli qiz o‘z joniga qasd qilgani haqida xabar berilgandi. Mirzo Ulug‘bek tumani hokimligi holat yuzasidan munosabat bildirdi.
Qayd etilishicha, Z.A. Mirzo Ulug‘bek tumani xalq ta’limi bo‘limi tasarrufidagi 241-sonli umumta’lim maktabi 7-A sinf o‘quvchisi bo‘lgan. U 28-noyabr kuni taxminan soat 18:00 atrofida Oltintepa ko‘chasi 203-uyda — yashash hovlisidagi daraxtga o‘zini o‘zini osgan va vafot etgan.
O‘quvchi noto‘liq oilada tarbiya oladi. Otasi A.D. 2 yil oldin kasallik bilan vafot etgan. Onasi L.D. ishlash uchun Turkiya davlatiga ketgan. Voyaga yetmagan Z.A. ko‘rsatilgan manzilda 2 nafar akasi (biri oilali va ikkinchisi voyaga yetmagan) bilan birga yashagan.
O‘quvchi 24, 26, 28-noyabr kunlari dars mashg‘ulotlariga qatnashmagan, sababi o‘rganilganda o‘quvchining shamollagani aniqlangan. O‘quvchi qiz qo‘shnilar tomonidan yaxshi tavsiflanadi. Sinf rahbari va onasi o‘rtasida doimiy uyali aloqa orqali muloqot qilib turilgan. O‘quvchilar bilan uning o‘rtasida hech qanday noxush holat kuzatilmagan, — deyiladi xabarda.Hozirgi vaqtda tegishli tashkilotlar tomonidan ushbu holat atroflicha o‘rganilmoqda.
Mavzuga doir:
Izoh (0)