2022 йил январь—сентябрь ойларида Ўзбекистонда 8 млн тонна сабзавотлар етиштирилган. Бу ҳақда Давлат статистика қўмитаси хабар бермоқда.
Сабзавотлар етиштириш ҳажми 2021 йилнинг мос даврига нисбатан 2,8 фоизга ошган.
Ҳудудлар кесимида етиштирилган сабзавотлар ҳажмида Андижон вилояти етакчилик қилмоқда — 1,3 млн тонна. Иккинчи ўринда Самарқанд (1,2 млн тонна), учинчи ўринда Сурхондарё (876 минг тонна) вилоятлари жойлашган.
Ўзбекистон ҳудудларида етиштирилган сабзавотлар ҳажми бўйича Фарғона вилояти тўртинчи ўринда — 819 минг тонна.
Бешинчи ўринни Тошкент (800 минг тонна), олтинчи ўринни Бухоро (674 минг тонна), еттинчи ўринни Наманган (613 минг тонна), саккизинчи ўринни Хоразм (404 минг тонна) вилоятлари эгаллаган.
Бу кўрсаткич бўйича кейинги ўринларда Қашқадарё (403 минг тонна), Жиззах (308 минг тонна), Сирдарё (215 минг тонна), Навоий (214 минг тонна) вилоятлари ва Қорақалпоғистон (201 минг тонна) жойлашган.
Шунингдек, Ўзбекистонда 2022 йилнинг январь—октябрь ойларида хорижга мева ва сабзавотлар экспорт қилган ҳудудлар маълум қилинди.
Қайд этилишича, Фарғона вилояти ўн ойда чет элга мева ва сабзавотлар сотиш бўйича етакчи бўлган — 261,1 минг тонна.
Тошкент вилояти 184,7 минг тонналик маҳсулотлар экспорт қилган ва ўтган ойга нисбатан Самарқандни ортда қолдириб иккинчи бўлган. Самарқанд вилояти эса йил бошидан бери 162,2 минг тонна мева ва сабзавотлар экспорт қилган ҳамда учинчи ўринга тушиб кетган.
Қолган ҳудудларда кўрсаткичлар қуйидагича:
- Сурхондарё вилояти — 134,7 минг тонна;
- Хоразм вилояти — 132,3 минг тонна;
- Наманган вилояти — 123 минг тонна;
- Андижон вилояти — 98,2 минг тонна;
- Тошкент шаҳри — 81 минг тонна;
- Жиззах вилояти — 69,4 минг тонна;
- Бухоро вилояти — 63,5 минг тонна;
- Қашқадарё вилояти — 43,1 минг тонна;
- Сирдарё вилояти — 41,1 минг тонна;
- Қорақалпоғистон Р. — 21,3 минг тонна;
- Навоий вилояти — 9,8 минг тонна.
2022 йил январь—октябрь ойларида мева-сабзавот маҳсулотлари жами экспортнинг 5,8 фоизини ташкил этди.
Худди шу даврда Ўзбекистон қиймати 903,3 миллион долларга тенг бўлган 1,4 миллион тонна мева ва сабзавотлар экспорт қилган.
Изоҳ (0)