Совуқ мавсумда пойабзал танлашга эҳтиёткорлик билан ёндашиш керак. Улар нафақат замонавий ва иссиқ, балки қулай бўлиши ҳам керак. Marie Claire нашри ортопед-травматологлар томонидан қандай пойабзал моделлари соғлиқ учун хавфли деб топилганини маълум қилди.
Ботинкалар ёки пошнали этиклар қиш учун яхши танлов эмас. 4 сантиметрдан баланд пошналарда юриш қишда оёқларга шикаст етказиши мумкин. Гап шундаки, баланд пошналар оғирлик марказини силжитади. Қишда қор ёғса, ерлар музлайди, натижада оёқнинг қайрилиши ва сирпаниши хавфи ортади. Ўзни эҳтиётлаб юриш эса мушакларни кўпроқ зўриқтиради. Қишда жарроҳ ва травматологлар кўригида жароҳатланганлар сони сезиларли даражада ошади. Муз устига йиқилиш оддий кўкаришдан тортиб, лат ейиш ва синишгача бўлган турли хил жароҳатларга олиб келиши мумкин.
Оёқ кийим танлашда тагликнинг таркибига эътибор бериш керак. Полиуретандан тайёрланганлар ёғоч тагликлар нафақат музда, балки ёмғирли ҳавода ҳам сирғалиши мумкин. 20 дан паст ҳароратларда умуман ёрилиш хавфи мавжуд. Сирғалишнинг олдини олиш учун пойабзал таглиги таркибида каучук бўлиши керак. Материалдан ташқари, тагликнинг тузилиши ҳам муҳим, у текис ва силлиқ бўлмаслиги лозим.
Юпқа тагликли пойабзаллар оёқнинг суякларига таъсир қилади ва унинг зўриқишига олиб келиши мумкин. Агар ортиқча вазн мавжуд бўлса, бу, албатта, юз беради. Юпқа тагликли пойабзал кийиш оқибатларини жарроҳлик йўли билан даволаш керак. Бундан ташқари, юпқа таглик совуқдан ҳимоя қилмайди. Оёқ кийимдан сув ўтиш хавфи мавжуд.
Табиий теридан тикилган пойабзал ҳаво ўтказади: бу қулай микроиқлимни, тўғри ҳарорат режимини яратади ва терининг микрофлорасини бузмайди. Каучук ёки полиуретан каби синтетик материаллар бу хусусиятларга эга эмас. Синтетик пойабзалларнинг «нафас олиши» учун уларда махсус қўшимчалари бўлиши керак. Ҳаво ўтказмайдиган материаллар иссиқхона эффектини яратади, улардаги оёқлар терлайди, қизиб кетади ёки аксинча, музлайди. Бундай пойабзалларни узоқ вақт кийиш оёқларнинг соғлиғига салбий таъсир қилади.
Тўпиқларнинг шикастланишига йўл қўймаслик учун юқори қисми мустаҳкам этик кийиш тавсия этилади. Шунинг учун кроссовка, паст ва бошқа ҳар қандай ноқулай пойабзал қиш учун яхши танлов эмас. Юқори қисми мустаҳкам пойабзалда оёққа юк тўғри тақсимланиши учун товон ҳам яхши жойлашиши керак.
Угги ва баланд пошнали ботинкалар гарчи нафас оладиган материалдан тайёрланган бўлса-да, эҳтиёткорлик билан кийиш керак. Гап шундаки, улар тўпиқ ва товонни маҳкам тутмайди, оёқ уларда осилиб туради, бу эса мушакларнинг доимий зўриқишига олиб келади. Улар кўпроқ қуруқ ва иш жойларида узоқ ўтириш ёки тик туриш учун мос. Қиш мавсумида йўлда кўпроқ ҳаракатланувчилар учун бу каби этикларни кийиш тавсия этилмайди.
Изоҳ (0)