Совуқ мавсумда трикотаж кийимлар гардеробнинг асоси ҳисобланади. Ҳам иссиқ, ҳам қулай бўлган трикотаж кийимлар яратилган образга путур етказиши ҳам мумкин. Marie Claire бунинг 6 та белгисини маълум қилди.
- камроқ ғижим бўлади;
- осонгина чўзилади;
- эркин ҳаракатланиш мумкин;
- қоматдаги камчиликларни яширади;
- танани иссиқ тутади.
Аммо ушбу севимли кийимларнинг афзалликларидан ташқари камчиликлари ҳам мавжуд. Шунинг учун образ яратишда трикотаж кийимларнинг барча хусусиятларини инобатга олиш тавсия этилади.
Биринчи ўринда эскирган трикотаж кийимлардан воз кечиш керак. Сабаби тўқилган матоларнинг эскиргани яққол кўзга ташланади ёки катишкалар ҳосил бўлади. Улардан воз кечиш қийин бўлиши мумкин. Аммо трикотаж ўрнини босувчи бошқа кийимларни харид қилиш тавсия этилади.
Юпқа трикотаж кийимларни харид қилиш бефойда. Улардан мукаммал образ яратиш деярли мумкин эмас. Чунки юпқа трикотаж қоматдаги барча камчиликни намоён қилади. Шунингдек, тўладан келган хонимларни янада семиз қилиб кўрсатиши мумкин.
Бу каби кенг оверсайз услубидаги трикотаж свитерлар трендда. Аммо барибир эҳтиёт бўлиш керак. Чунки унга мос шим ёки юбка топиш ва мукаммал комбинация ҳосил қилиш жуда қийин иш. Акс ҳолда образга путур етиши тайин.
Янги, қолаверса урфдаги трикотаж кийимларининг елкалари чўзилиб кетдими? У жуда тез вақт ичида аввалги кўринишини йўқотдими? Демак, уни тозалаш ҳам қуритишда хатоларга йўл қўйилган. Бу эса унинг муддатидан олдин эскиришига олиб келади.
Ноодатий бичимдаги трикотаж кийимлари ҳам қанчалар чиройли ёки урфда бўлмасин, у билан образ яратиш қийин. Бунинг учун бичимга мос либос уйғунлашиши керак. Акс ҳолда бачкана образ пайдо бўлиши ҳам мумкин.
Изоҳ (0)