Кейт Миддлтон ва Меган Марклдан қироличаларга хос образ яратиш учун лайфхаклар (фото)

Marie Claire нашри Кембриж ва Сассекс герцогинялари мисолидан фойдаланиб, мукаммал гардеробни қандай ташкил этиш кераклигини аниқлади. 

Герцогинялар Кейт ва Меган одамларда яхши таассурот қолдириш учун қандай кийинишни билади. Уларнинг гардеробига ажойиб кечки либослар, мукаммал тикилган костюмлар ва чиройли кундалик кийимлар киради. Шунингдек, кўплаб аёллар гардеробга кўп маблағ сарфламасдан, улардан ўрнак олишга ва ўз тажрибаларини ҳаётларида қўллашга муваффақ бўлиши ҳам мумкин.

Чексиз классикага содиқ қолинг

Қоидага кўра, Кейт ва Меган кундалик сайрлар учун классик комбинацияларни танлайди. Агар Кейт ёки Меган каби кийинишни истасангиз, ҳар хил усулларда кийиниш асосини ташкил эта оладиган абадий классикаларни танланг. Ажойиб джинси шим, оқ кўйлак, ўрта пошнали туфлилар ҳақида ўйлаб кўринг. Булар шоҳона услубдаги гардеробни яратиш учун фойдаланиш мумкин бўлган асосий нарсалардир.

Ажойиб рангларни танланг

Кембриж, Сассекс ва Виндзор сулоласининг бошқа вакиллари кўпинча монохроматик ансамблларни афзал кўради. Қироллик аёллари кўпинча нақшлардан қочади ва ажойиб рангларга таянади. Стилист уларга шундай маслаҳат беради: «Чуқур ўйилган ёқа ёки жуда хавфли бичимлардан сақланинг ва алоҳида, яхши мослаштирилган рангли қисмларини танланг».

Либослар қоматингизга мос келсин

Кейт ҳам, Meghan ҳам классик костюмлар ёки расмий услубдаги кўйлаклар бўладими, қоматни таъкидлаб турган либосларни яхши кўради. Албатта, ҳар қандай либос унинг эгаси учунгина тикилиши керак. Шунинг учун агар улар оммавий ишлаб чиқарувчи томонидан тикилган бўлса ҳам, ўлчовлар бўйича харид қилишни унутманг. Бу образ яратишда жуда муҳим рол ўйнайди.

Миқдордан кўра сифатни афзал кўринг

Гардеробни жуда кўп сифатсиз нарсалар билан тўлдиришдан кўра, бир нечта сифатли кийимлар ўрин олгани маъқул. Харид қилишда сифат миқдордан кўра муҳимроқдир, бу барқарор истеъмол учун ҳам аҳамиятли. Кейт ва Меган бир хил кийимни бир неча марта кийишдан ҳеч қачон уялмайди, чунки улар образни турли хил деталь, пойабзал ва сумкалар билан тўлдиради.

Ишончингизни оширинг

Кейт ва Меган ниҳоятда ўзига ишонган аёллар ва уларнинг дадил образлари бунинг далилидир. Меган ва Кейтнинг асосий услуби — бу ички ишонч устида ишлаш. Иккала аёл ҳам ўзига хос нафислик ва ўзини тутиш қобилиятини намойиш этади, бу уларнинг ички ишончини ифодалайди.