Ўзбекистонда 1 ноябрь ҳолатига кўра, 1 352 нафар якка тартибдаги тадбиркор ва 4 377 нафар ўзини ўзи банд қилган шахс репетиторлик хизмати кўрсатмоқда. Бу ҳақда Давлат солиқ қўмитаси хабар бермоқда.
Репетиторлар сони бўйича қолган ҳудудларга нисбатан катта фарқ билан Тошкент шаҳри етакчилик қилмоқда — 1 905 нафар. Бу энг яқин кўрсаткичга эга Жиззах вилоятидан (630 нафар) уч баробар кўп
Репетиторлар сони нисбатан кўпроқ ҳуқудлар:
- Тошкент шаҳри — 1 905 нафар;
- Жиззах вилояти — 630 нафар;
- Самарқанд вилояти — 520 нафар;
- Тошкент вилояти — 482 нафар;
- Фарғона вилояти — 318 нафар.
Сирдарё вилоятида репетиторлар қолган ҳудудларга қараганда анча камроқ — 59 нафар.
Шунингдек 2022 йил 1 ноябрь ҳолатига кўра, ўзини ўзи банд қилган шахслари ўтган йилнинг мос даврига нисбатан 38 фоизга кўпайди.
Бундай ўсиш ўзини ўзи банд қилган шахслар шуғулланиши мумкин бўлган фаолият турлари кенгайтирилгани билан изоҳланади.
Изоҳ (0)