Буюк Британия талабалар миграциясини чеклаб, фақат энг яхши университетлар учун талабаларни қабул қилишга рухсат бермоқчи. Бу ҳақда The Times хабар бермоқда.
Буюк Британия, шунингдек, талабаларнинг қариндошларини таклиф қилиш шартларини ҳам кучайтирмоқчи.
Янги бош вазир Риши Сунакнинг ҳукумати шу тариқа Буюк Британияга миграция оқимини камайтиришни режалаштирмоқда: жорий йилнинг июнь ойигача мамлакатга 1,1 миллион киши кўчиб келган.
Миграция оқимига асосий ҳиссани талабалар қўшмоқда — жорий йилнинг 9 ойида уларнинг сони 476 минг нафарга етди. Бу 2019 йилга нисбатан 76 фоизга кўпдир. Буюк Британияга аксарият талабалар Ҳиндистондан келади — тўққиз ойда 127 530 киши.
Талабалар бу йил ўзлари билан 116 минг қариндошини олиб келган. Қариндошларнинг аксарияти Нигериядан келган муҳожирлар томонидан олиб келинган: 51 637 талабага 50 631 қариндоши тўғри келади.
Талабалар томонидан олиб келинган жуда кўп қариндошлар туфайли Буюк Британия нафақат талабаларни, балки у олиб келган қариндошларини ҳам қўллаб-қувватлашига тўғри келмоқда.
Турли глобал воқеалар ҳам миграция оқимига салмоқли ҳисса қўшмоқда. Инқирозлар туфайли мамлакатга Украина, Гонконг ва Афғонистондан 311,6 минг киши кўчиб келган.
Мавзуга доир:
Изоҳ (0)