Buyuk Britaniya talabalar migratsiyasini cheklab, faqat eng yaxshi universitetlar uchun talabalarni qabul qilishga ruxsat bermoqchi. Bu haqda The Times xabar bermoqda.
Buyuk Britaniya, shuningdek, talabalarning qarindoshlarini taklif qilish shartlarini ham kuchaytirmoqchi.
Yangi bosh vazir Rishi Sunakning hukumati shu tariqa Buyuk Britaniyaga migratsiya oqimini kamaytirishni rejalashtirmoqda: joriy yilning iyun oyigacha mamlakatga 1,1 million kishi ko‘chib kelgan.
Migratsiya oqimiga asosiy hissani talabalar qo‘shmoqda — joriy yilning 9 oyida ularning soni 476 ming nafarga yetdi. Bu 2019-yilga nisbatan 76 foizga ko‘pdir. Buyuk Britaniyaga aksariyat talabalar Hindistondan keladi — to'qqiz oyda 127 530 kishi.
Talabalar bu yil o‘zlari bilan 116 ming qarindoshini olib kelgan. Qarindoshlarning aksariyati Nigeriyadan kelgan muhojirlar tomonidan olib kelingan: 51 637 talabaga 50 631 qarindoshi to‘g‘ri keladi.
Talabalar tomonidan olib kelingan juda ko‘p qarindoshlar tufayli Buyuk Britaniya nafaqat talabalarni, balki u olib kelgan qarindoshlarini ham qo‘llab-quvvatlashiga to‘g‘ri kelmoqda.
Turli global voqealar ham migratsiya oqimiga salmoqli hissa qo‘shmoqda. Inqirozlar tufayli mamlakatga Ukraina, Gonkong va Afg‘onistondan 311,6 ming kishi ko‘chib kelgan.
Mavzuga doir:
Izoh (0)