Тошкентнинг Учтепа туманида коммунал тўловлар учун ундирилган пулларни ўзлаштирган ширкатлар аниқланди.
Бош прокуратура ҳузуридаги департаментнинг Учтепа туман бўлими томонидан фуқароларнинг ҳуқуқ ва манфаатларини ҳимоя қилиш юзасидан ўтказилган терговга қадар текширувларда маълум бўлишича, «Н.Н.», «М.С.», «Б.С.», «С.К.» ва «I.» хусусий уй-жой мулкдорлари ширкатлари моддий жавобгар шахслари ҳудуддаги хонадон эгаларидан коммунал тўловлари учун ундирилган жами 413,9 миллион сўмни кирим қилмасдан, ўзлаштириш йўли билан талон-торож қилган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Мавзуга доир: Юнусободда коммунал тўловлар учун ундирилган 237,2 млн сўмни ўзлаштирган ширкат аниқланди
Изоҳ (0)