Париждаги Араб дунёси институтида «Самарқандга йўл. Ипак ва олтин мўъжизалари» кўргазмасининг очилиши бўлиб ўтди. Бу ҳақда Президент администрацияси Ижро этувчи аппаратининг Коммуникациялар ва ахборот сиёсати бўйича шуъба мудири Саида Мирзиёева хабар қилди.
Қайд этилишича, халқаро жамоатчилик эътиборига Ўзбекистоннинг анъанавий санъати ва ҳунармандчилиги: муҳташам тўқимачилик ва каштачилик, ёғоч ўймакорлиги намуналари, кумуш тақинчоқлар ва кўплаб бошқа буюмлар тақдим этилган.
Тадбир якунида «Лазги — муҳаббат ва қалб рақси» деб номланган балет асари намойиш этилган.
«Шундай пайтларда маданиятимиз турли тилларда сўзлаша олишига яна бир бор ишонч ҳосил қиламан», — дейилади хабарда.
Изоҳ (0)