Украина ва Эрон мутахассислари Россия армиясининг Shahed дронларидан фойдаланишини муҳокама қилди. Бу ҳақда IRNA ахборот агентлиги хабар берди.
Маълум қилинишича, учрашувдан мақсад Россия Эроннинг учувчисиз учиш аппаратларини фронтда қўллаши юзасидан «тушунмовчиликларга йўл қўймаслик» ҳисобланади. Теҳрон The Washington Post газетасида Россияда Эроннинг зарба берувчи дронлари оммавий ишлаб чиқарилиши ҳақидаги мақоладан сўнг экспертлар билан учрашишни сўраган. Миллий хавфсизлик кенгаши матбуот котиби Адриан Уотсон мақолада Эрон Россияга украиналикларни ўлдиришда ёрдам бераётганини айтганди.
«Эрон ва Украина мудофаа бўйича экспертлари ўртасидаги қўшма ҳамкорликда муҳим қадамлар қўйилди. Бу борадаги тушунмовчиликлар бартараф этилмагунча давом этади», — деди Эрон томони.
Баёнотда Россия ва Эрон мудофаа соҳасида узоқ йиллик ҳамкорликка урғу бериши, Теҳрон ҳарбий соҳада эҳтиёж ва устуворликка кўра бошқа давлатлар билан ҳамкорлик қилиши мумкинлиги таъкидланди.
«Украинадаги уруш бошланганидан бери Эрон аниқ позицияни эгаллаб, БМТ Низоми ва халқаро ҳуқуқ тамойиллари ва мақсадларига тўлиқ риоя этилишини таъкидлади», — дейди Эрон вакили.
Мавзуга доир:
- АҚШ Shahed дронларини ишлаб чиқарувчи Эрон компаниясига қарши санкциялар киритди. Россия бу қуроллардан Украина билан урушда фойдаланмоқда
- Россия дронлар эвазига Эронга 140 млн евро нақд пул ва қўлга олинган Ғарб қуролларини юборган — ОАВ
- АҚШ Эронни Россияга дронлар етказаётгани учун жавоб бериши ҳақида огоҳлантирди
Изоҳ (0)