22 ноябрь куни Шавкат Мирзиёевнинг Франция Республикасига расмий ташрифининг иккинчи куни бошланди. Бу ҳақда президент матбуот котиби хабар қилди.
Қайд этилишича, давлат раҳбари Франция Миллий йиғини раиси Яел Браун-Пиве билан учрашув ўтказмоқда.
Томонлар парламентлараро алоқаларни кенгайтириш, ижтимоий-сиёсий ҳаётни янада демократлаштириш бўйича ислоҳотларни амалга ошириш борасидаги ҳамкорликни чуқурлаштириш юзасидан фикр алмашмоқда.
Маълумот учун, Франция Республикасининг қонун чиқарувчи ҳокимияти парламент ҳисобланади. У икки палатадан иборат:
- Сенат;
- Миллий мажлис.
Изоҳ (0)