Кўп ҳолларда узоқ вақт давомида бир жойда ишлаш инсон соғлиғига жиддий зарар етказиши ҳам мумкин. Бундай ҳолатларда бел оғриғи, кўз атрофида ажинлар пайдо бўлиши ва терида ўзгаришлар кузатилади. Компьютерда ишлаш орқали нафақат тажриба, билим ва маош олишингиз, балки гўзаллигингизга зарар етказишингиз мумкин. The Voice нашри офисда ишлаш жараёнида ташқи кўринишга зарар етказадиган ҳолатлар ҳақида маълумот берди.
Стулда нотўғри ўтириш
Ўйлаб кўринг: сиз офисда кунига 6 соатдан 10 соатгача компьютер олдида вақт ўтказасиз. Бу бутун организм учун оғир юк бўлади. Бироқ организм қачондир бунга қарши туришни тўхтатади.
Оғриқ курак ва умуртқа поғонасининг орасида пайдо бўлади. Бундай ҳолатда рефлексли равишда ноқулайликни камайтирадиган позицияни топишга ҳаракат қиласиз. Кейинчалик бу қоматга ёмон таъсир қилади ва букилиш пайдо бўлади.
Қоматингиз узоқ вақт давомида чиройли кўринишга эга бўлишини истасангиз компьютерда ишлаётганда тўғри ҳолатни сақланг. Орқангизни ва елкангизни текисланг, қўлларингизни столга қўйинг ва оёқларни 90-120 даража бурчакка қўйинг. Оёқларингиз ерга тегиб турганлигига ишонч ҳосил қилинг.
Шу билан бирга, офис ходимларининг асосий қоидасини эсланг: ҳар 15 дақиқада ҳаракат қилиш учун кўзингизни чалғитувчи машқларни қилинг. Бўйинни ўнгга ва чапга буринг, бир неча марта эгилинг. Тана бир жойда узоқ вақт ҳаракатсиз қолса, мия буни қабул қилмайди ва турғунлик, қон оқимининг бузилиши сабабли «секинлаша» бошлайди. Бу нафақат ташқи кўринишингизга таъсир қилади, балки ишлашингизда ҳам қийинчиликларга сабаб бўлади.
Ҳар соатда столдан туринг. Бир қултум сув ичиш учун совитгичдан ниманидир олиш ёки бошқа сабаб билан ҳаракат қилинг, кейин орқа мия, кўзлар ва тери сизга «раҳмат» айтади.
Монитор ёрқинлигига эътибор беринг
Компьютер монитори гўзалликнинг асосий душманларидан бири ҳисобланади. Ундан тарқалаётган кўк юқори частотали ёруғлик терининг эрта қариши пигментациясига олиб келади ва коллагенни йўқ қилади. Косметика ишлаб чиқарувчилар «рақамли қариш» каби қизиқарли атамани ўйлаб топишгани ажабланарли эмас.
Бироқ кўк нурнинг яна бир хусусияти бор — у мелатонин синтезига ёмон таъсир қилади, бу эса уйқу ва биоритмлар билан боғлиқ бўлган гормон ҳисобланади. Буларнинг барчаси терининг сифатига ва соғлиғингизга таъсир қилади.
Нурланишдан қандай ҳимояланиш керак? Таркибида антиоксидантлар бўлган махсус косметикадан фойдаланинг. Пакетда бундай белги бўлмаса, витамин C таркибига эътибор беринг. У оксидланиш жараёнини заифлаштиради, эрта қаришдан ҳимоя қилади. Асосийси, мониторнинг ёрқинлигини камайтиришни унутманг.
Гаджетларни бошингизни пастга туширган ҳолда ишлатинг
Қисилган кўзлар, эгилган елкалар ва тирсакларга букилган қўллар – бу ҳолатда мессенжерлар ёки ижтимоий тармоқларга неча соат вақт сарфлайсиз? Текшириш осон, телефон созламаларида «экран вақти» ёрлиғини очинг. Айнан шу вақт давомида мушаклар ва терининг ҳолатини ёмонлаштирадиган, иккинчи ияк пайдо бўлишини қўзғатадиган позада турасиз.
Смартфон қўлингизда бўлган вақтда бўйиннинг орқа қисми таранглашади, олд қисми эса бўшашади. Ундаги тери бурмаларга тўпланиб, ёшни каттароқ қилиб кўрсатадиган бурмалар ҳосил қилади. Экрандаги кичик матнни ўқишга уриниб кўз қисиш унинг атрофида ажинларни пайдо қилади. Пешонангизни буриштирасиз, мураккаб маълумотларни «ҳазм қиласиз», бу ҳам терига ёмон таъсир қилади. Ижтимоий тармоқлардан узоқ фойдаланиш эса кўзёш оқишига ва кўз остининг шишига сабаб бўлади.
Гўзалликни сақлаб қолиш учун замонавий технологиялардан воз кечишингиз шарт эмас. Смартфоннинг кўз даражасида эканлигига ишонч ҳосил қилинг, у билан ўтказадиган вақтни камайтиринг, тез-тез гимнастика билан шуғулланинг ва косметологга боринг.
Иситгичлар ёки радиаторлар ёнида ўтириш
Иссиқ ва қулай, бироқ бу ҳеч қандай ёрдам бермайди. Қуруқ ҳаво туфайли ҳужайралар сувсизланади ва қайта тиклана олмайди. Шунинг учун 1 кг тана вазнига 30 мл нисбатда сув ичинг. Кун давомида косметик намлантирувчи спрейлар ёки термал, атиргул суви аралашмасидан фойдаланишингиз мумкин.
Кечаси терингизни дам олишига имкон яратинг ва иложи борича намлантиришга ҳаракат қилинг. Юз ниқоби сиртда нафас оладиган плёнка ҳосил қилади, бу бутун иш куни давомида ҳужайраларнинг гидробалансини сақлайди.
Узоқ вақт давомида ҳаракат қилмаслик
Бир жойда ўтириб иш қилиш, жамоат ёки шахсий транспортда саёҳат қилиш, узоқ вақт тик туриш — буларнинг барчаси варикоз томирлари, селлюлит, шиш ва мушаклардаги крамплар билан боғлиқ муаммоларни келтириб чиқаради.
Ишга борганда кўпроқ ҳаракатланинг, тана ҳолатини ўзгартиринг, танаффус қилинг, «оёқ устидаги оёқ» позициясидан қочинг ва кечқурун қонни тарқатиш учун контрастли душ қабул қилинг.
Ҳаракат ва ишда тўғри ўтириш чиройли қоматга эга бўлишда катта аҳамиятга эга. Агар сифатли дам олиш ва тўғри овқатланишга риоя қилсангиз орзунгиздаги кўринишга эга бўлишингиз мумкин.
Мавзуга доир:
Изоҳ (0)