Футбол бўйича ЖЧ—2022 1-турида Англия ва Эрон терма жамоалари 21 ноябрь, душанба куни ўзаро тўқнаш келди.
Учрашувнинг 35-дақиқасида Жуд Беллингҳем инглизларни олдинга олиб чиқди. 43-дақиқада Букайо Сака жамоасининг иккинчи голига муаллиф бўлди. Биринчи бўлимга қўшиб берилган вақтда Раҳим Стерлинг ҳисобни йирик кўринишга олиб келди.
62-дақиқада Сака дублни расмийлаштирди. Орадан кўп ўтмай форслар Меҳди Таремининг голи эвазига ҳисобни қисқартирди. 71-дақиқада Маркус Рэшфорд захирадан ўйинга тушибоқ ўз ҳисобига гол ёздириб қўйди.
Асосий вақтнинг сўнгги дақиқасида Жек Грилиш инглизларнинг олтинчи голини урган бўлса, Эрон ҳужумчиси Меҳди Тареми қўшиб берилган вақтда пенальтини аниқ амалга ошириб, якуний ҳисобни ўрганти — 6:2.
Шу тариқа «учшерлар» мусобақани ғалаба билан бошлади. АҚШ ва Уэльс ўртасидаги гуруҳнинг иккинчи ўйини ҳам 21 ноябрь куни ўтказилади.
ЖЧ—2022
1-тур баҳси
Англия — Эрон 6:2
Голлар: 1:0 – 35 Беллингем, 2:0 – 43 Сака, 3:0 – 45+1 Стерлинг, 4:0 – 62 Сака, 4:1 – 65 Тареми, 5:1 – 71 Рэшфорд, 6:1 – 89 Грилиш, 6:2 – 90+13, пенальти Тареми.Англия: Пикфорд, Триппьер, Магуайр (Дайер, 70), Стоунз, Шоу, Райс, Маунт (Фоден, 71), Сака (Рэшфорд, 71), Беллингҳем, Кейн (Уилсон, 76), Стерлинг (Грилиш, 71).
Эрон: Бейронванд (Ҳуссейни, 19), Муҳаррами, Пуралиганжи, Чешми (Канаанизадеган, 46), Ҳуссейни, Муҳаммади (Тораби, 63), Жаҳонбаҳш (Ғолизаде, 46), Ҳожсафи, Карими (Эззатуллоҳи, 46), Нуруллоҳи (Азмун, 77), Тареми.
Огоҳлантиришлар: Жаҳонбаҳш (25), Пуралиганжи (48).
Изоҳ (0)