Режиссёрлар деярли ҳеч қачон иккинчи даражали қаҳрамонларсиз фильм ва сериаллар яратмайди. Улар сюжетни олдинга силжитиш ва асосий воқеани тўлдириш учун ҳам керак. Аммо баъзи ёрдамчи қаҳрамонлар шунчалик зўр бўлиб чиқадики, машҳурликда улар фильмнинг бош қаҳрамонларидан ҳам ўтиб кетишади.
Семуайз Гемжи — «Узуклар ҳукмдори»
Бутун трилогиянинг асосий қаҳрамони, узуклар ҳукмдори Фродо Беггинс бўлса-да, кўплаб томошабинлар содиқ боғбон Семнинг ёрдамисиз у ҳеч қачон бундай ғалабага эриша олмаслигини таъкидлашади. Ўрта Ерни қутқарган аслида меҳрибон, содиқ ва жасур Сем эди. У ҳар доим Фродони қийин вазиятларда қўллаб-қувватлаш учун керакли сўзларни топиб айтади.
Элис Каллен – «Сумерки»
«Сумерки» сериалида асосий сюжет оддий қиз Белла ва вампир Эдварднинг ишқий муносабатлари атрофида қурилган. Бироқ «Сумерки»нинг иккинчи даражали эпизодлари орасида ажойиб қаҳрамонлар етарли эди. Масалан, Элис Каллен Эдварднинг синглиси. Бу образ Беллага қараганда анча қизиқ. Элис самимийлик ва олдиндан айтиб бўлмайдиган сирлиликни ўзида намоён этади, бундан ташқари, у келажакни кўриш қобилиятига ҳам эга эди.
Ракета ва Грут — «Галактика қўриқчилари»
«Галактика қўриқчилари» ҳақидаги биринчи фильмда генетик муҳандислик асосида яратилган енот Ракета ва дарахтга ўхшаш гуманоид Грут бир-бирини узоқ вақтдан бери билиши аён бўлади. Уларнинг ҳамкорлиги кўплаб саргузаштлар билан синовдан ўтади. Ракета ўтмишдаги жуда қизиқарли эпизодларни эслайди: лабораториядан қочиш, жиноятчи бўлиш, қамоққа олиш ва кейинчалик озод қилиш. Албатта, буни экранларда кўриш ажойиб бўлади.
Пинтел ва Ражетти — «Кариб денгизи қароқчилари»
«Кариб денгизи қароқчилари» туркумидаги фильмларни томоша қилган кўплаб томошабинлар икки қароқчи — Пинтел ва Ражеттини эслашса керак. Улар бир оз аҳмоқ, лекин кулгили ва қароқчилар қасамига содиқ эди.
Гантер — «Дўстлар»
«Дўстлар» сериалида бош қаҳрамонлардан ташқари бошқа қизиқарли қаҳрамонлар ҳам бор. Мисол учун, 10 мавсум давомида Рейчелга ошиқ бўлган бариста Гантер. Унинг ҳаёти аслида бош қаҳрамонларникидан қолишмайди. Гантернинг актёр бўлгани, аввал ҳам телекўрсатувларда суратга тушгани, катта ролни кутиб қаҳвахонада ишлай бошлагани таъкидланган.
Манн — «Interstellar»
«Interstellar» фильмда Мэтт Деймон узоқ сайёрага инсоният унда яшай оладими ёки йўқлигини билиш учун юборилган астронавт-олим Манн ролини ўйнайди. Аммо ўзга сайёрада ёлғиз қолиш осон эмасди, бу сайёра иккинчи уйга айланишга қодир эмаслигини билган Манн бошқаларни ҳам ёнига чақириб, кейин уларнинг кемасида қочишга қарор қилади.
Моззи — «Оқсуяк изқувар»
Моззи — келишган жиноятчи Нил Каффрининг энг яқин дўсти. Сериалда у содиқ ёрдамчи ролини ўйнайди. Лекин у ҳам ажойиб жиноятчи. Балки, унинг саргузаштлари ҳам Нилники каби ажойиб ва ақл бовар қилмасдир. У ҳақида ҳам сериал қилишса яхши бўларди.
Драко Малфой — «Гарри Поттер»
Сеҳргар бола Гарри Поттер ҳақидаги фильм бутун дунёда жуда машҳур бўлди. Миллионлаб томошабинлар унинг улғайганини ва ёвузлик билан курашаётганини ҳайрат билан томоша қилишди. Эҳтимол Драко Малфой ажойиб бош қаҳрамон бўларди.
Биз соф қонли сеҳргарлар дунёси, қаҳрамоннинг ёвузликка хизмат қилиш мотивацияси, унинг улғайиши, Волдемортга қўшилиши ва уни ҳалигача тўғри танловга олиб келган ахлоқий изтироблар ҳақида ҳикоя охирида кўпроқ билиб олишимиз мумкин эди.
Рипичип — «Нарния йилномалари»
«Нарния йилномалари» сериалининг иккинчи ва учинчи фильмларида кўплаб қаҳрамонлар жангчи ва сичқонлар хўжайини Рипичипга нафрат билан қарашган. Аммо бу у ўзини кўрсатмагунча давом этди. Бу қаҳрамон қилични моҳирлик билан тутган, ўз фуқароларининг чексиз садоқатига сазовор бўлган, ҳазил қилишни, дўстларни қўллаб-қувватлашни ва ўз идеалларига хиёнат қилмасликни биларди.
Демон Мейзикин — «Люцифер»
«Люцифер» сериалида иблис Мейзнинг роли унчалик катта эмас: бу қаҳрамон Люцифернинг ёрдамчиси. Аммо Мейзина шу қадар ақлли, истеҳзоли, бир оз иқтидорли - у, албатта, ўзи ҳақидаги сериалнинг бош қаҳрамони бўлиш шарафига лойиқдир.
Анафема Гажет — «Яхши аломат»
«Яхши аломат» сериали кўплаб томошабинларнинг қалбидан жой олди, чунки ундаги бош қаҳрамонлар жуда маҳоратли. Бироқ иккинчи даражалилар ҳам улардан қолишмайди. Мисол учун, Анафема Гажет — фолбиннинг авлоди. У бутун ҳаётини асосий вазифа — келажакда нималарни бошдан кечириш кераклиги ҳақидаги билимлардан фойдаланиб, апокалипсиснинг олдини олиш учун ўтказади.
Мавзуга доир:
Изоҳ (0)