1 декабрдан бошлаб Туркия хом нефть ташувчи танкерларга бўғозлардан ўтиши учун қўшимча шарт жорий қилмоқда. Бу ҳақда Туркия транспорт вазирлигига таяниб, Bloomberg ёзмоқда.
Босфор ва Дарданел йўли орқали нефть эскпорт қиладиган кемалар суғурта мавжудлигини исботлашлари керак. Бу танкерларнинг россия нефти билан йўллардан ўтишини тўсиб қўйиши мумкин.
Янги талабларга мувофиқ, нефть ташувчи кемаларда суғурта компаниясининг хати бўлиши керак, бу кемада П&I суғуртаси («ҳимоя ва компенсация») мавжудлигини тасдиқлайди.
Ушбу суғурта шакли Анқарага кемаларнинг эксплуатацияси вақтида атроф-муҳитга, юкларга ёки учинчи шахсларга зарар етказилган тақдирда ўз жавобгарлигини ва жарималарини қоплаш имконини беради.
Туркия Транспорт вазирлигининг таъкидлашича, агар кемалар бўғозлардан суғурталанмаган ҳолда ўтиб кетса, сув йўлларига катта зарар етказилиши мумкин.
Бундан ташқари, агар суғурталанмаган кема аварияга учраса, бўғоздаги барча кемаларнинг ҳаракати тўхтатилиши мумкин.
Агентликнинг қайд этишича, янги талаблар Россиядан нефть етказиб беришни чеклаши мумкин, чунки Европа Иттифоқи (ЕИ) ва Буюк Британиянинг Россия билан савдога қўйган қўшимча чекловлари ҳам декабрь ойида кучга киради.
АҚШ ва Буюк Британия Россиянинг Украинадаги ҳарбий ҳаракатлари туфайли март ойида Россия нефти ва нефть маҳсулотларига эмбарго қўйган эди.
Шундан сўнг ЕИ 5 декабргача Россиядан денгиз орқали нефть етказиб беришни та’қиқлашга қарор қилганди.
4 ноябрь куни G7 давлатлари ва Австралия ниҳоят Россия нефтига қатъий нарх белгилашга келишиб олди.
Ноябрь ойи охиригача нарх чегарасини белгилаш режалаштирилган. Россия энергия ресурсларини чекланган нархларда этказиб беришдан бош тортган.
Жаҳон танкерларини суғурталаш бозорининг 90 фоиздан ортиғи П&I Cлубс International Group суғурта компаниялари ассоциациясига тўғри келади.
Компания Европа қонунчилигига бўйсунади. 5 декабрдан бошлаб эса ЕИ ва Буюк Британия, агар сотилган Россия нефтининг нархи шифтдан юқори бўлса, транспорт ва суғурта хизматларини кўрсатишни тақиқлайди.
Изоҳ (0)