Коронавирус омикрон штаммининг BQ.1 ва BQ.1.1 («сербер») вариантлари бошқаларига нисбатан юқумлироқ деб баҳоланди. Бу ҳақда «РБК» «Роспотребнадзор»га таяниб хабар бермоқда. Улар Россияда биринчи марта 26 октябрь куни қайд этилган эди.
«Улар юқори даражали трансмиссивлиги билан фарқ қилади, яъни одамдан одамга коронавируснинг бошқа вариантларидан ҳам тезроқ юқади», — дея огоҳлантирди идора.
Коронавируснинг BQ.1.1 «цербер» штамми БА.5 — «омикрон»нинг мутацияга учраган варианти. У сентябрда Европанинг бир қатор мамлакатларида аниқланган бўлиб, янада шиддатлироқ тарқалиши билан ажралиб туради — у «омикрон»дан 20—30 фоизга тезроқ юқади.
Россия Соғлиқни сақлаш вазирлигининг юқумли касалликлар бўйича бош мутахассиси Владимир Чуланов айтишича, «цербер» юқумлироқ бўлгани билан, нисбатан енгилроқ шаклда кечади.
Янги штаммнинг белгилари аввалгиларникидан кўп ҳам фарқ қилмайди ва иситма, йўтал, нафас етишмаслиги, чарчоқ, мушаклардаги оғриқ, таъм ва ҳид сезмаслик, бош оғриғи, томоқ оғриғи, тумов, кўнгил айниши, диареядан иборат.
Шунингдек, унинг оқибатлари ҳам коронавируснинг бошқа штаммларида бўлгани каби уйқу билан боғлиқ муаммолар, соч тўкилиши, хотира билан боғлиқ муаммолар, овқат ҳазм қилиш ва юрак-қонтомир тизимидаги бузилишлар кабилардир.
Изоҳ (0)