Ўзбекистонда дам олиш куни ёнғингарчиликсиз ўтади

Бугун республика ҳудудига жанубий циклон кириб келиши кутилмоқда, деб хабар берди «Ўзгидромет».

Қайд этилишича, бунинг ҳисобига республиканинг шимоли-ғарбий, жанубий ва марказий ҳудудларда ёмғир ёғади. Тоғолди ва тоғли ҳудудларда ёмғир ва қор кўринишидаги ёғингарчилик бўлади.

Баъзи жойларда шамол тезлиги 15-20 метр/секундгача кучайиши мумкин. Фарғона водийси вилоятларида ёғингарчилик кутилмайди. Кундузи ҳаво 14-17 даражагача исийди, бу куннинг меъёрий қийматларига яқиндир.

19 ноябрь, шанба куни республиканинг катта қисмида ёмғирли об-ҳаво сақланиб туради, Қорақалпоғистон Республикаси, Хоразм, Бухоро, Навоий вилоятларида ёғингарчилик кутилмайди. Кечаси ва эрталаб республика бўйича баъзи жойларга туман тушиши сабабли кўринувчанлик ёмонлашиши мумкин. Айрим ҳудудларда шамол 15-20 метр/секундгача эсиши давом этади. Ҳаво ҳарорати кечаси 5-10 даража илиқ, кундузи 10-15 даража илиқ бўлади.

Якшанба куни республика бўйича ёғингарчилик кутилмайди, кечаси ва эрталаб баъзи жойларга туман тушади. Ҳарорат кечаси 3-8 даража илиқ, кундузи 10-15 даража илиқ бўлади.

Республиканинг тоғли ҳудудларида қор кўчиши хавфи бор.

Мавзуга доир: Ўзбекистоннинг 6 та вилоятида қор кўчиш хавфи эълон қилинди (рўйхат)