Ўзбекистонда 2023 йил 1 январдан давлат харидлари портали янги шаклда ишга туширилади. Бу ҳақда Молия вазири Тимур Ишметов Сенат ялпи мажлисида маълум қилди, дея хабар бермоқда «Дарё» мухбири
Тимур Ишметовнинг айтишича, порталнинг ҳозирги шакли оддий фойдаланувчи учун мураккаблик қилади.
Молия вазирлигида давлат харидларида кузатилаётган камчиликларни беркитишдан манфаат йўқ. Бунинг исботи сифатида давлат харидлари портали яратилган. У ерда ҳамма маълумотлар бор. Биз бу портални қайта ишлаб чиқдик. Кейинги йил 1 январдан портал янги шаклда ишга тушади. Бунинг ўзига хос томони — энди барча маълумотлар таҳлили билан чиқиладиган бўлади. Чунки платформада маълумотлар жуда ҳам кўп. Уларни тушуниш оддий фойдаланувчи учун қийинлик қилади. Шунинг учун, бу портал такомиллашган ҳолда ишга тушади.Аввалроқ Наманган вилояти ХТБ мансабдорлари спорт анжомларини ҳақиқий баҳосидан 537,1 миллион сўмга қиммат нархларда харид қилгани аниқлангани хабар қилинганди.
Изоҳ (0)