Париж марказида, Эйфель минораси томон йўлда Сена дарёси бўйида бир гуруҳ ёшларни учратиш мумкин. Улар шаҳарнинг фахри бўлган ушбу дарёга ташлаб кетилган металл буюм ва чиқиндиларни магнит асосида ясалган қўлбола «қармоқлар» билан сув тубидан олиб чиқишмоқда. Айни дамда Парижда бўлиб турган «Дарё» фотомухбири уларнинг фаолиятига қизиқди.
Экофаол ёшларнинг айтишича дарё, кўл ва денгизларда ҳар куни кемалар сузади, сайёҳлар сайр қилади. Йўловчиларнинг эътиборсизлиги туфайли сув остида аксарияти парамагнит металлдан иборат чиқиндилар қолади. Уларни асосан кўприк ва бандаргоҳлар ёнидан тортиб чиқариш мумкин.
Уларнинг айтишича барча йиғилган металларни қабул пунктида топшириш ёки келган-кетганларга сотиш мумкин. Тўлов металлардаги кир, занг ва лойларни ҳисобга олмаган ҳолда фоиз ҳисобида чиқариб берилади. Ҳар бир қабул бўлимида ўз нархнома ҳамда фоизлари бор.
Фото
Изоҳ (0)