Made in Uzbekistan белгиси остидаги тўқимачилик маҳсулотлари 75 дан ортиқ давлатга 3 миллиард доллардан ортиқ ҳажмда экспорт қилинмоқда. Бу ҳақда АОКАда ўтказилган брифингда «Ўзтўқимачиликсаноати» уюшмаси ахборот хизмати раҳбари Шаҳзода Қўчқорова маълум қилди.
Қайд этишича, давлат раҳбари Европа Иттифоқи мамлакатларига GSP+ имтиёзлари доирасида маҳсулот экспортини кенгайтириш ва тўқимачилик маҳсулотлари экспортини 2023 йилга келиб 5 миллиард долларга етказиш бўйича вазифа берган.
Натижаларга эришиш учун Германиянинг GIZ халқаро ҳамкорликни ривожлантириш агентлиги билан ҳамкорлик доирасида Германия грантлари ҳисобидан пахта ва тўқимачилик тармоқларини барқарор ривожлантириш бўйича қатор лойиҳалар амалга оширилди.
GIZ лойиҳаси доирасида Gersi konsalting компанияси кўмагида Ўзбекистон тўқимачилик саноати бўйича мустақил ҳисобот тайёрланди ва GIZ веб-сайтида эълон қилинди.
Мавзуга доир:
- Ўзбекистонга Туркия, Эрон ва Бельгиядан тўқимачилик бўйича мутахассислар олиб келинади
- Ўзбекистон мутасаддиларига Европага 2023 йилда саноат экспорти ҳажмини 700 млн долларга етказиш вазифаси қўйилди
- Ўзбекистоннинг 3 та вилоятида саноатга ажратилган пулларнинг 40 фоизи ҳам ўзлаштирилмагани танқид қилинди
Изоҳ (0)