Made in Uzbekistan belgisi ostidagi to‘qimachilik mahsulotlari 75 dan ortiq davlatga 3 milliard dollardan ortiq hajmda eksport qilinmoqda. Bu haqda AOKAda o‘tkazilgan brifingda “O‘zto‘qimachiliksanoati” uyushmasi axborot xizmati rahbari Shahzoda Qo‘chqorova ma’lum qildi.
Qayd etishicha, davlat rahbari Yevropa Ittifoqi mamlakatlariga GSP+ imtiyozlari doirasida mahsulot eksportini kengaytirish va to‘qimachilik mahsulotlari eksportini 2023-yilga kelib 5 milliard dollarga yetkazish bo‘yicha vazifa bergan.
Natijalarga erishish uchun Germaniyaning GIZ xalqaro hamkorlikni rivojlantirish agentligi bilan hamkorlik doirasida Germaniya grantlari hisobidan paxta va to‘qimachilik tarmoqlarini barqaror rivojlantirish bo‘yicha qator loyihalar amalga oshirildi.
GIZ loyihasi doirasida Gersi konsalting kompaniyasi ko‘magida O‘zbekiston to‘qimachilik sanoati bo‘yicha mustaqil hisobot tayyorlandi va GIZ veb-saytida e’lon qilindi.
Mavzuga doir:
- O‘zbekistonga Turkiya, Eron va Belgiyadan to‘qimachilik bo‘yicha mutaxassislar olib kelinadi
- O‘zbekiston mutasaddilariga Yevropaga 2023-yilda sanoat eksporti hajmini 700 mln dollarga yetkazish vazifasi qo‘yildi
- O‘zbekistonning 3 ta viloyatida sanoatga ajratilgan pullarning 40 foizi ham o‘zlashtirilmagani tanqid qilindi
Izoh (0)