Ижтимоий тармоқларда 16 ноябрь, чоршанба куни Тошкент шаҳрида фуқароларнинг мажбуран кўчирилаётгани акс этган видеотасвирлар тарқалди. МИБ ахборот хизмати раҳбари эса ижро ишларининг қонуний тарзда амалга оширилганини «Дарё»га маълум қилди.
Ижро иши суд қарори асосида қонуний тамомланган.МИБ ахборот хизматининг маълумот беришича, 2022 йилнинг 16 ноябрь куни олиб борилган ижро ҳаракатлари даврида, қарздорлар хонадондан мажбурий тартибда кўчирилиб, хонадон калити ундирувчи Plitindustrybuilding МЧЖ вакилига топширилган. Ижро иши юритуви «Суд ҳужжатлари ва бошқа органлар ҳужжатлари ижро этиш тўғрисида»ги қонуннинг 41-моддасига асосан амалда тамомланган.Жорий йилнинг 16 ноябрь куни ижтимоий тармоқларда фуқаролар огоҳлантиришсиз мажбуран кўчирилаётгани ҳақидаги видео хабарлар тарқатилди.
Маълум бўлишича, фуқаролик ишлари бўйича Мирзо Улуғбек туманлараро судининг 2021 йилнинг 17 майидаги Plitindustrybuilding МЧЖдан ундирувчи С.Гафурова фойдасига Мирзо Улуғбек тумани Қори Ниёзий кўчаси, 25-уйнинг 50 фоизлик улуш қисми учун жами бўлиб 1.000.000.000 сўм ва Б.Расулов, Д.Расулова, А.Султонхўжаев ва Н.Зиёхўжаевлар фойдасига Мирзо Улуғбек тумани Қори Ниёзий кўчаси, 25-уйнинг 1/10 улуш қисми учун ҳар бирларига жами бўлиб 200.000.000 сўмдан компенсация ундириш белгиланган. Компенсация пуллари тўлиқ ундирилгандан сўнг, ундирувчиларнинг эгалик ҳуқуқи тугатилиб, мазкур хонадондан кўчириб чиқариш тўғрисидаги ижро ҳужжати 2021 йилнинг 22 октябрида бўлим иш юритувига келиб тушган.
Ижро ҳаракатлари давомида Plitindustrybuilding МЧЖ томонидан компенсация пуллари бўлим депозит ҳисоб рақамига тўлиқ ундирилган.
Ушбу ижро иши бир неча бор тўхтатилиб, яна ижрога қаратилган.
Жумладан, фуқаролик ишлари бўйича Тошкент шаҳар судининг 2022 йилнинг 8 сентябридаги хатига кўра ижро ҳаракатлари вақтинча тўхтатилган ва ушбу суднинг 2022 йилнинг 25 майидаги хатига асосан эса ижрони тўхтатиш ҳақидаги кўрсатма бекор қилинган.
Изоҳ (0)