Ўзбекистонда сўнгги кунларда қўлбола иситиш мосламаларидан фойдаланган бир қанча фуқаролар ис газидан вафот этди. Бу ҳақда Бош прокуратура «Дарё»га маълум қилди.
Қайд этилишича, 13 ноябрь куни соат 19:30 ларда Хоразм вилояти Урганч шаҳрида ижара асосида яшовчи фуқаролар Д.С. (2001 йилда туғилган) ва Р.Б. (2007 йилда туғилган) хонадониа ўрнатилган қўлбола усулда тайёрланган иситиш қозонидан ажралиб чиққан ис газидан заҳарланиб, вафот этган.
Урганч шаҳар прокуратураси томонидан ҳолат юзасидан Жиноят кодексининг 259-моддаси 2-қисми «а» банди билан жиноят иши қўзғатилган.
Бундан ташқари, 15 ноябрь куни соат 08:30 ларда Жиззах вилояти Зарбдор тумани «Янгикент» маҳалласида яшовчи фуқаро А.А. (1959 йилда туғилган), вояга етмаган набиралари О.А. (2008 йилда туғилган) ва Ч.Т (2010 йилда туғилган) яшаш хонадонида қўл бола усулда таёрланган иситиш мосламадан сизиб чиққан ис газидан заҳарланиб вафот этгани аниқланган.
Мазкур ҳолат юзасидан Зарбдор тумани прокуратураси томонидан терговга қадар текширув ҳаракатлари олиб борилмоқда.
Изоҳ (0)