Аноним рассом Бэнкси Украинанинг турли жойларида — Киевда ва Киев вилоятида — еттита граффити чизганини тасдиқлади. Бу ҳақда The Art Newspaper хабар бермоқда.
Бэнкси услубида яратилган илк граффитиларни 2022 йил 10 ноябрда кўришган, шундан кейин британиялик рассом Украинага ташриф буюргани ҳақида тахминлар билдирилган эди.
Ўша куниёқ Бэнкси ўз Instagram’ига Бородянка қишлоғидаги уй вайроналарига чизилган гимнастикачи қизча граффитиси суратини жойлаган. Кўп ўтмай, Киев ва унга яқин шаҳарларда Бэнксининг стрит-артини эслатадиган яна бир нечта расмларни пайқашди.
Улар орасида ёш бола спаррингда якка кураш (Россия президенти Владимир Путин шу спортга қизиқади) формасини кийиб олган эркакни мағлубиятга учратаётгани акс этган граффити ҳам бор. 14 ноябрь куни The Art Newspaper билан суҳбати чоғида Бэнкси шу ва бошқа расмлар унга тегишли эканини тасдиқлаган.
Изоҳ (0)