Қашқадарё вилоятининг Қарши шаҳрида яшовчи Камол исмли йигит Термиз шаҳрида йигитлик бурчини ўтаётган вақтда вафот этиб, уйига ўлик ҳолда қайтган. Бу ҳақда қашқадарёлик блогер Азизбек Яздурдиев ўзининг шахсий Telegram каналида хабар берди.
Маълум қилинишича, йигитнинг жасади бугун, 15 ноябрь куни ўзи яшовчи «Гулшан» маҳалласидаги хонадонига олиб келинган.
Ҳарбий хизматни ўтайман деб Сурхондарёга кетган қаршилик бола ҳақидаги воқеани эшитиб, одамнинг кўнгли нотинч бўлиб қолди. Аввал ҳам Қашқадарёда хизмат ўтаётган 18 яшар бола вафот этганди. Якун нима бўлди, нима қўйди? Ҳеч ким айтмади, — дейди бу ҳақда ахборот берган блогер Азизбек Яздурдиев.Блогернинг «Дарё»га қўшимча қилишича, марҳум йигит ҳарбий оркестрда хизмат қилган бўлиши мумкин.
Икки кун илгари уйдагиларига қўнғироқ қилиб, пул кераклигини, узоқроқ жойга кетишаётганини айтган экан. Раҳматли қўли гул сартарош, мусиқа асбобларини чала оладиган даражада санъаткор йигит эди, — дейди Азизбек.Блогернинг қўшимча қилишича, марҳумнинг жанозаси эртага, 16 ноябрь куни ўзи яшаган ҳудуд — «Гулшан» маҳалласидаги хонадонида бўлиб ўтади.
Аввалроқ ҳам Қашқадарёда шунга ўхшаш воқеа содир бўлиб, 18 ёшли йигитнинг уйига ўлик ҳолда қайтгани юзасидан жиноят иши қўзғатилганди.
Изоҳ (3)
Инна Лиллаҳи ва инна Илайҳи рожиун. Ота-онаси ва барча яқинларига ҳамдардлик билдираман. Сабр берсин! Ҳаётда яхши одамлар тез Аллоҳни ҳузурига боришади дейишади.
Hudo o'zi raxmat qisin bu bolani. Shoshilmaslik kerak bu ishlarga rasmiy izoh kutip qolamiz
Ха армиага соглом болларни олиш керакда шунчун армиага жунатищда докторлар порахорлашиб кетган базилари 100 сум кистирса книжкани оркасига печаи уриб беради мед курикни кучайтириб армиани согломоаштириш керак бунака касал ногиронларни армиага олаверса армиа сифатсизлашадику ха планни тулдиргари бомвороради еее мен хам хизматга боришимдан олдин бунака нарсалар булганди