Футбол бўйича Англия Лига Кубогининг учинчи босқичида «Манчестер Юнайтед» ва «Астон Вилла» жамоалари 10 ноябрь, пайшанба куни ўзаро тўқнаш келди.
Учрашувнинг биринчи бўлимида дарвозалар дахлсиз қолган бўлса, иккинчи бўлим голларга бой бўлди. 48-дақиқада Олли Откинс меҳмонларни олдинга олиб чиқди.
Орадан бир дақиқа ўтар-ўтмас манкунианлар Антони Марсьялнинг голи эвазига мувозанатни тиклади. 61-дақиқада Диогу Далот ўз дарвозасини ишғол қилиб қўйди. 67-дақиқада Маркус Рэшфорд яна ҳисобни тенглаштирди.
78-дақиқада Бруну Фернандеш рақиб ҳимоясидаги хатодан кейин юзага келган вазиятдан унумли фойдаланди. Ҳакам томонидан қўшиб берилган вақтда Скот Мактоминей ўйинга нуқта қўйган голга муаллиф бўлди.
Бу ғалаба орқали Эрик тен Ҳаг шогирдлари кейинги босқичга йўл олди.
Англия Лига Кубоги
3-босқич баҳси
10 ноябрь, пайшанба
«Манчестер Юнайтед» — «Астон Вилла» 4:2
Голлар: 0:1 – 48 Уоткинс, 1:1 – 49 Марсьяль, 1:2 – 61, автогол Диогу Далот, 2:2 – 67 Рэшфорд, 3:2 – 78 Бруну Фернандеш, 4:2 – 90+1 Мактоминей.«Манчестер Юнайтед»: Дубравка, Диогу Далот, Магуайр, Линдельоф (Мартинес, 87), Маласиа, Фред (Эриксен, 62), Бруну Фернандеш, ван де Бек (Эланга, 62), Мактоминей, Марсьяль (Гарначо, 62), Рэшфорд (Каземиро, 82).
«Астон Вилла»: Ольсен, Янг (Кеш, 74), Чемберс, Конса (Мингз, 59), Аугустинссон (Дин, 80), Рэмзи (Бэйли, 59), Макгинн, Камара, Дуглас Луис, Ингз (Буэндиа, 59), Уоткинс.
Огоҳлантиришлар: Мактоминей (40), Магуайр (43), Бруну Фернандеш (52), Дуглас Луис (52), Янг (54), Бэйли (90+3).
Изоҳ (0)