Futbol bo‘yicha Angliya Liga Kubogining uchinchi bosqichida “Manchester Yunayted” va “Aston Villa” jamoalari 10-noyabr, payshanba kuni o‘zaro to‘qnash keldi.
Uchrashuvning birinchi bo‘limida darvozalar daxlsiz qolgan bo‘lsa, ikkinchi bo‘lim gollarga boy bo‘ldi. 48-daqiqada Olli Otkins mehmonlarni oldinga olib chiqdi.
Oradan bir daqiqa o‘tar-o‘tmas mankunianlar Antoni Marsyalning goli evaziga muvozanatni tikladi. 61-daqiqada Diogu Dalot o‘z darvozasini ishg‘ol qilib qo‘ydi. 67-daqiqada Markus Reshford yana hisobni tenglashtirdi.
78-daqiqada Brunu Fernandesh raqib himoyasidagi xatodan keyin yuzaga kelgan vaziyatdan unumli foydalandi. Hakam tomonidan qo‘shib berilgan vaqtda Skot Maktominey o‘yinga nuqta qo‘ygan golga muallif bo‘ldi.
Bu g‘alaba orqali Erik ten Hag shogirdlari keyingi bosqichga yo‘l oldi.
Angliya Liga Kubogi
3-bosqich bahsi
10-noyabr, payshanba
“Manchester Yunayted” — “Aston Villa” 4:2
Gollar: 0:1 – 48 Uotkins, 1:1 – 49 Marsyal, 1:2 – 61, avtogol Diogu Dalot, 2:2 – 67 Reshford, 3:2 – 78 Brunu Fernandesh, 4:2 – 90+1 Maktominey.“Manchester Yunayted”: Dubravka, Diogu Dalot, Maguayr, Lindelyof (Martines, 87), Malasia, Fred (Eriksen, 62), Brunu Fernandesh, van de Bek (Elanga, 62), Maktominey, Marsyal (Garnacho, 62), Reshford (Kazemiro, 82).
“Aston Villa”: Olsen, Yang (Kesh, 74), Chembers, Konsa (Mingz, 59), Augustinsson (Din, 80), Remzi (Beyli, 59), Makginn, Kamara, Duglas Luis, Ingz (Buendia, 59), Uotkins.
Ogohlantirishlar: Maktominey (40), Maguayr (43), Brunu Fernandesh (52), Duglas Luis (52), Yang (54), Beyli (90+3).
Izoh (0)