Футбол бўйича Ўзбекистон U-20 терма жамоаси 8 ноябрь куни Жанубий Кореяга қарши ўртоқлик ўйинида иштирок этди.
Ўзбекистонлик футболчилар дастлабки дақиқадаёқ олдинга ўтиб олди: Пўлатхўжа Холдорхонов ўз ҳисобига гол ёздириб қўйди. 11-дақиқада Ли Жунг Сан мувозанатни тиклади.
Биринчи бўлимга қўшиб берилган вақтда Холдорхонов дублини нишонлаб, танаффусга жамоасини ғолиб ҳолда олиб чиқди. Бунинг устига кореяликлар бир ўйинчи кам бўлиб қолди: Ли Гю Бек 45-дақиқада майдондан четлатилди.
85-дақиқада Ли Ён Чун ҳисобни тенглаштирди. Ҳакам томонидан қўшиб берилган вақтда Пе Чун Ҳо кореяликларнинг ғалаба тўпини киритди.
Равшан Ҳайдаров шогирдлари Жанубий Кореяга қарши кечган дастлабки баҳсда 1:1 ҳисобида дуранг қайд этганди.
Ўртоқлик ўйини
8 ноябрь, сешанба
Ўзбекистон U-20 — Жанубий Корея U-20 2:3
Голлар: 1:0 – 1 Холдорхонов, 1:1 – 11 Жунг Сан, 2:1 – 45+2 Холдорхонов, 2:2 – 85 Ён Чун, 2:3 – 90+5 Чун Ҳо.Ўзбекистон U-20: 1.Ҳумоюншоҳ Сайётов, 4.Жавоҳир Ўтамуродов, 5.Диёрбек Ортиқбоев, 6.Миркомил Абдураззоқов, 7.Пўлатхўжа Холдорхонов, 8.Беҳруз Асқаров, 14.Шаҳзод Акрамов, 17.Нодирбек Абдураззоқов, 19.Суннат Поёнов, 20.Шоҳруҳ Муҳсинов, 23.Шаҳзод Раҳматуллаев.
Четлатиш: Ли Гю Бек (45).
Изоҳ (0)