Ижтимоий тармоқларда Сурхондарё вилояти Денов туманида фуқаро кўчада кийимларини ечган ҳолда юргани акс этган видеолавҳа тарқалди. Вилоят Ички ишлар бошқармаси ҳолатга муносабат билдирди.
Қайд этилишича, видеодаги вазият 5 ноябрь куни соат 22:00 ларда Денов тумани «Янги ҳаёт» маҳалласи Мустақиллик кўчасида содир бўлган. Номаълум шахс жамиятда юриш-туриш қоидаларига амал қилмасдан, кийимларини ечиб, яланғоч ҳолатда ҳаракатланган.
Ҳолат туман ИИБ ходимлари томонидан ўрганилган. Натижада ушбу ҳуқуқбузарликни фуқаро С.М. (1999 йилда туғилган) содир этгани аниқланган.
«Яланғоч ҳолда юрганимдан пушаймонман. Халқимдан, президентдан кечирим сўрайман», — деган у.
У ҳолат юзасидан Маъмурий жавобгарлик тўғрисидаги кодекснинг 183-моддаси (майда безорилик) билан жавобгарликка тортилган.
Изоҳ (0)