Голливуддан ҳафсаласи пир бўлгач, кинодаги карьерасини якунлаган актёр ва актрисалар
Кўпчилик Голливудда актёрлик қилишни орзу қилади, лекин ҳамма ҳам актёрлик тузоқлари ҳақида ўйламайди. Бу шунчалик машаққатли ишки, кўпчилик ижодкорлар босимга чидай олмай, ўз салоҳиятини бошқа соҳада рўёбга чиқаришга қарор қилади.
Жулия Робертс
«Соҳибжамол» мелодрамасидаги бош рол ижрочиси 2000 йилларда худди шу номдаги фильм қаҳрамони Эрин Брокович образини яратган актриса ҳиппи турмуш тарзини афзал кўришини тан олади. Актриса буни шундай изоҳлайди: «Мен бугунги кунимдан завқланишга ҳаракат қиламан. Келажакни ўйламайман. Яқин орада режалаштирилган йирик лойиҳаларим йўқ. Мен оилам қуршовида эканимлигимдан хурсандман».
Кемерон Диаз
Кемерон Голливудни тарк этганидан афсусда эмас. Илгари актрисанинг шахсий ҳаётига умуман вақти йўқ эди. «Биз юқори марраларни узоқ вақт ушлаб турсак, вақт ўтиши билан ўзимиз ўзимизга тегишли эмасдек туюла бошлайди. Менинг кучим шунчаки тугади», — дейди у.
Жессика Альба
Жессика биринчи марта «Fantaстик тўртлик» режиссёри унинг ижросини танқид қилиб, «Йиғлаганингда жуда аҳмоқона ва тушкун кўринасан. Ёқимли кўринишга ҳаракат қил» деганидан кейин актрисалик фаолиятини тугатиш ҳақида ўйлаган эди. Кейинчалик Альба ирқий камситишларга ҳам дуч келади: «Лотинамерикалик қиз ролини ўйнаш учун менда лотинамерикаликларнинг, бош қаҳрамонларни ўйнаш учун эса европаликларнинг қиёфаси етишмаслигини айтишди. Шунинг учун менга кўпроқ эпизодик роллар берилди». Ҳозирда Жессика ўз бизнесини юритади ва оналик бахтидан завқланади.
Тоби Магуайр
Суратга олиш майдончасидаги собиқ ҳамкасбларидан бири у билан ишлаш қийинлигини айтади. Эътибордан чарчаган актёр продюсерликка ўтишга қарор қилади.
Жек Глисон
Жекнинг сўзларига кўра, у кинода фақатгина маза қилиш учун ўйнаган: «Хобби ишга айланиши биланоқ, унга бўлган муносабатингиз ўзгаради. Мен актёрликдан завқланмай қолганим учун кетмадим. Бу шунчаки мен қилишни хоҳлайдиган иш эмас». Глисон эътибордан четда яшашни танлади ва ижтимоий тармоқлардаги аккаунтларини ҳам ўчириб ташлади. У Голливуд стандартлари бўйича жуда камтарона уй-жойга эга бўлганидан хурсанд ва агар у юлдуз бўлмаганида, бундан ҳам бахтлироқ бўлишини тан олади.
Женнифер Лоуренс
Женнифер экранлардан ғойиб бўлиши сабаблари ҳақида очиқчаига шундай дейди: «Менимча, ҳамма мендан чарчагандек. Мен ўзимдан чарчадим. Нима қилсам ҳам, ҳаммасини нотўғри қилдим». Унинг қарорига одамлардан узоқлашиш ва оиласи билан кўпроқ вақт ўтказиш истаги ҳам таъсир қилган.
Эндрю Гарфилд
«Энг яхши актёр» номинациясида «Оскар»га номзод бўлганидан сўнг, Эндрю келажакдаги режаларини қайта кўриб чиқиш учун карьерасидан танаффус қилишга қарор қилди: «Мен бир муддат оддий ҳаёт кечиришни хоҳлайман». Тиғиз иш жадвали туфайли у қиз дўсти билан ажрашди, бу эса бундай қийин қарорга ҳисса қўшган бўлиши мумкин.
