Фото: Ижтимоий тармоқларда миллионлаб фолловерлари бўлган энг машҳур 10 нафар юлдуз

Сизнингча, 100 минг обуначи жуда кўпми? Оддий одам учун, эҳтимол, ҳа. Аммо фолловерлари сони миллиондан кўп бўлган машҳурлар учун — умуман аҳамиятсиз. AdMe нашри кўп сонли обуначиларига эга дунёдаги энг машҳур одамлар рўйхатини тузди.

1. Криштиану Роналду

Таниқли футболчи дунёдаги энг машҳур одам ҳисобланади. Унинг обуначилари сони 493 миллиондан кўп ва ҳали ҳеч ким ундан ўзиб кета олгани йўқ.

 2. Кайли Женнер

Кайли дунёдаги энг машҳур аёл, унинг аккаунтига 371 миллион киши обуна бўлган. Опа-сингил Кардашьянлар орасида айнан Кайли оммавий ахборот воситалари нуқтаи назаридан бошқаларга қараганда машҳурроқ: унинг фолловерлари опаси Ким Кардашьяндан ҳам кўп.

3. Лионель Месси

Ижтимоий тармоқдаги мухлислар сони бўйича Месси ҳамкасби Роналдудан камроқ обуначиларга эга, аммо 3-ўрин ҳам ёмон эмас. Лионелнинг ҳаётини 370 миллион киши қизиқиш билан кузатмоқда.

4. Селена Гомес

Селена рўйхатда 4-ўринни эгаллади, лекин мусиқачилар ва актрисалар орасида у энг кўп фолловерларга эга хонанда ҳисобланади. Унинг ижтимоий тармоқдаги мухлислари сони 350 миллионни ташкил этади.

5. Дуэйн Жонсон

Машҳур Қоя, собиқ курашчи ва ҳозирда актёр Селенадан қолишмайди. Унинг обуначилари сонига ҳам ҳавас қилса бўлади: 342 миллион киши Дуэйн Жонсоннинг ҳаёти ва у юклаган суратлари билан қизиқади.

6. Ариана Гранде

Сайёрамизданинг 334 миллион аҳолиси Ариана Грандега обуна бўлган. У тармоқдаги машҳурлиги бўйича Селена Гомесдан паст бўлса-да, дунёдаги энг машҳур қўшиқчи ҳисобланади.

7. Ким Кардашьян

Ким Кардашьян оиласи ва машҳур аёллар орасида энг кўп фолловерларига эга бўлган синглиси Кайлидан анча орқада. Кимнинг 332 миллион обуначиси бор.

8. Бейонсе

Бейонсе ушбу рўйхатдаги хонандалар орасида Ариана Гранде ва Селена Гомездан кейин 3-ўринни эгаллаган. Қўшиқчининг ҳаёти билан қизиқувчилар сони 279 миллионни ташкил этади.

9. Хлои Кардашьян

Энг машҳур одамлар ўнталигидаги сўнгги аёл Кардашьянларнинг яна биридир. Унинг барча обуначиларига дунёдаги энг катта стадионда ҳам жой етарли бўлмайди: у бор-йўғи 132 минг кишини сиғдира олади, Хлои аккаунтини эса 277 миллион киши кузатиб боради.

10. Жастин Бибер

«Baby» хит қўшиғи ижрочиси кучли ўнталикдан сўнгги ўринни эгаллади: унинг ижтимоий тармоқдаги саҳифасига 261 миллион киши обуна бўлган.