Голливуднинг машҳур юлдузлари ҳамиша омма эътиборида. Шунинг учун ҳам улар ташқи кўриниши борасида кўпроқ қайғуради. «Lisa.ru» нашри уларнинг гўзалликни қандай қилиб сақлаб қолиш бўйича лайфхаклар билан бўлишди.
Женнифер Энистон
50 ёшдан ошган Женнифер ҳозир ҳам ажойиб кўринади, баъзилар уни ҳатто ёшартирувчи олма топиб олгани ҳақида ҳазил қилади. Аммо актрисанинг ўзига ғамхўрлик қилишнинг алоҳида сирлари бор. Улардан бири ётишдан олдин доимо кўз атрофига вазелин суртишдир. Энистон бундай восита ажинлар пайдо бўлишига тўсқинлик қилади, деб ҳисоблайди.
Леди Гага
Ажинларга қарши курашда Леди Гага оддий скотчдан фойдаланади. Унинг ёрдами билан муаммоли жойларда терини кўтаради ва тортади. Бу кўтарувчи эффектнинг бир тури.
Скарлетт Йоханссон
Скарлеттнинг юзида чарчоқ туфайли қизил доғлар тез-тез пайдо бўлади. Аммо қизил йўлакда юриш, фильмларда рол ўйнаш ва фотосессияларда қатнашиш керак бўлганда нима қилиш керак? «Мен лимон шарбатини сув билан суюлтираман ва юзимни артаман. Муҳим воқеалардан олдин (масалан, «Оскар» ёки «Олтин глобус») мен буни беш кун кетма-кет қиламан. Тональ крем ва консилерсиз ҳам тери ёрқин кўринади », — дейди Йоханссон.
Холли Берри
Холли 50 ёшдан ошган бўлса-да, ҳайратланарли қоматга эга. У аёлларни нафақат спорт билан шуғулланишга, тўғри овқатланишга, балки терисини парвариш қилишга ҳам ундайди. Шунингдек, Берри майдаланган қаҳвани скраб сифатида ишлатади. Бу унга селлюлитга қарши курашда ёрдам беради. Ушбу скраб туфайли терининг ўлик ҳужайралари чиқиб кетади, капиллярларда қон микроциркуляцияси яхшиланади.
Мила Кунис
Мила ҳар доим терини тозалашга алоҳида эътибор беради. Актриса жуда чарчаган бўлса ҳам юзидаги макияжни ювмагунча ухламаслигини айтиб ўтган. Юз териси соғлом бўлиши учун Кунис ҳар беш-олти кунда ёстиқ жилдларини ўзгартиришни маслаҳат беради.
Бейонсе
Хонанданинг макияжи ҳар доим мукаммал, шу жумладан қошлари ҳам. Маълум бўлишича, Бейонсенинг визажисти бунинг учун оддий елимдан фойдаланади. Унинг сўзларига кўра, елим терини бузмайди, аксинча, қош учун махсус геллардан ҳам хавфсизроқдир.
Моника Беллуччи
Моника сочларига алоҳида эътибор беради, шунинг учун у жуда чиройли сочларга эга. Актриса уларни ҳафтасига икки мартадан кўп бўлмаган ҳолда ювади ва шампунни минерал сув билан суюлтиради, чунки у косметик маҳсулотда жуда кўп концентратлар борлигига ишонади.
Блейк Лайвли
Блейкнинг сочларини чиройли ва соғлом сақлаш учун фойдаланадиган яна бир сири бор. «Онам менга майонезли соч ниқобини қандай қилишни ўргатди: сочни ювишдан олдин уни сочларга суртинг. Натижада сочлар ҳар доим намланган ва соғлом бўлади», — дейди Голливуд актрисаси.
Кетрин Зета-Жонс
Кетрин сочлар учун кондиционер сифатида асал ва пивони танлайди. «Бундай маҳсулотни қўллаганимдан бир неча кун ўтиб, бу сочларим учун жуда фойдали эканини сездим», — дейди юлдуз.
Жулия Робертс
Жулиянинг табассуми унинг ташриф қоғозидир. Маълум бўлишича, актрисанинг тишлари қулупнай билан тозалангани учун жуда чиройли экан. «Эрталаб мен тишларимни қулупнай билан юваман — резаворни майдалаб, чўтка устига қўяман. Бу эмалга ёрқинлик қўшади. Кейин флорид пастаси билан тозалайман. Мен жуда кўп табассум қиламан, шунинг учун тишларим ажойиб кўриниши керак», — дейди Робертс.
Bella Хадид
Аммо Bella тиш пастасидан бошқа лайфхакни топди: у воситани пайдо бўлган қизариш ва яллиғланишга қўллайди. Модель тиш пастаси доимо унинг косметик сумкасида эканини ҳам айтиб ўтган.
Мавзуга доир:
Изоҳ (0)