Самарқанд вилояти Қўшработ туманида МЧЖ раҳбари кредит маблағларини талон-торож қилган аниқланди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Маълум бўлишича, Бош прокуратура ҳузуридаги департаментнинг Қўшработ тумани бўлими томонидан терговга қадар текширув ўтказилган. Унда «Р.1» МЧЖ раҳбари О.V. тижорат банки филиалидан автомобилларга техник хизмат кўрсатиш фаолиятини ривожлантириш учун ажратилган 400 миллион сўм имтиёзли кредит маблағини «Б.а.» хусусий корхонасига ўтказиш орқали бошқа мақсадларда сарфлаб, ўзлаштириш йўли билан талон-торож қилгани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)