Хонанда Ғайрат Усмонов «Омон-Омон» кўрсатувига берган интервьюсида Сурхандарёдаги тўртта стадионда концерт бериб пулини ололмагани, ижодини тўхатишига нима сабаб бўлгани, клиплари телевидениега қабул қилинмагани, шундан кейин АҚШ ёки Туркияга кетмоқчи бўлгани ҳақида гапириб берди.
«Бу ҳолат ҳар бир санъаткорнинг ғурурига тегади»
«Ижодимда бироз тўхталишлар бўлганининг сабаби янги клипларимни, қўшиқларимни телевидениега олиб бораман, қўйилмайди. Бунга нима сабаб бўлганини билмайман. Бу ҳар бир санъаткорнинг ғурурига тегадиган ҳолат, чунки миллионлаб мухлислар сизни сўраса, тингласа, қаергадир, залга, стадионга борсангиз, аншлак бўлса-ю, бироқ ижодингиз телевидениега ўтмаса, бу санъаткор учун жуда ҳам оғир нарса. Шунақа кунлар бўлди.
Ҳозирги кунда бундай эмас. Бироқ эркинлик берилгани сабаб савия пасайиб кетди, санъат йўқолиб қолди. Эркинлик яхши. Гапнинг очиғи, ҳозир биз бироз пастга ҳам тушдик. Масалан, гитара чалиб ашула айтишяпти, мусиқаси бир хил, сўзи бошқача. Бу санъат билан узоққа бориб бўлмайди», — дейди хонанда.
«Бу нарсани ўша маҳалларда ўйлаганман. АҚШга ёки Туркияга кетиб ижод қилмоқчи бўлганман, бу ерда йўл бермаяпти деб ўйлаганман. Туркларни яхши кўраман. Ҳозир ижод қилса бўлади», — дейди Ғайрат Усмонов.
«Иймонли инсон ҳеч қачон ‘кийдирмайди’ »
«Иймонли инсон ҳеч қачон «кийдирмайди» ишонувчан бўлади. Отам ёшлигимда вафот этган, бизни онам тарбиялаган. Онам ‘Бировнинг ҳаққини ема, хиёнат қилма, пешона теринг билан топ’, — деб кўп айтган. Етти эмас, етти юз минг ўлчасангиз ҳам алдайдиганлар бор. Сурхoндарёга концертга чақиришган, тўртта ёки бешта стадионга концерт берганман. Кейин эса концерт берганимнинг ҳақини олиб келиши керак эди, алдаб кетди, ҳаққимни бермади. Ҳаттоки йўл ҳақини ҳам бермаган», — дейди хонанда.
Мавзуга доир:
Изоҳ (0)