Бугун,

  • USD 11095.31
  • RUB 173.84
  • EUR 10772.44

Хабарингиз бор, 2022 йилнинг 3—4 ноябрь кунлари Самарқандда Ўзбекистоннинг иккинчи иқтисодий форуми бўлиб ўтмоқда.

Ушбу форумдаги мингдан ортиқ меҳмонлар орасида дунёнинг ривожланган мамлакатларидан етакчи халқаро иқтисодчилар, нуфузли инвесторлар, экспертлар, Ўзбекистон вазирлик ва идоралари раҳбарлари иштирок этмоқда.

Фото: «Дарё» / Дилруҳ Исомиддинова

Фото: «Дарё» / Дилруҳ Исомиддинова

Бугун анжуманнинг иккинчи куни доирасида «Молиявий бозорни ривожлантириш: воситалар ва мақсадлар» мавзусидаги давра суҳбати бўлиб ўтди. 

Бунда Ўзбекистон Марказий банки раиси ўринбосари Беҳзод Ҳамроев, Республика фонд биржаси раиси Георгий Паресишвили, Европа тикланиш ва тараққиёт банкининг бошқарувчи директори Аксел ван Педервеен, Осиё тараққиёт банки ғазначилиги раҳбари ўринбосари Жонатҳан Гросвенор ва бошқалар иштирок этди.

Суҳбатда қайд этилишича, сўмда қарз олишнинг кўпайиши хорижий валюталарга боғлиқликни ва валюта курсларининг ўзгариши хавфини камайтиришга имкон беради.

Таъкидланишича, Тошкент республика фонд биржасида IPO орқали йирик давлат корхоналари ва банкларини хусусийлаштириш вазифаларига эришиш учун ушбу соҳани янада ривожлантириш зарур. 

Фото: «Дарё» / Дилруҳ Исомиддинова

Фото: «Дарё» / Дилруҳ Исомиддинова

Шунингдек, форум пайтида «Дарё» мухбири билан суҳбатлашган «Озавтосанот» бошқарув раиси ўринбосари Азизбек Шукуров IPO масаласига ҳам тўхталиб ўтди: 

Бугун ҳам яна бир бор хорижий инвесторларга UzAuto Motors IPO’сини презентация қилиб бердик. Фикримизча қизиқиш яхши. Хорижий инвесторлардан ҳам, маҳаллий инвесторлардан ҳам. Йил охиригача йирик давлат корхоналари ичида биринчи бўлиб IPO’ни чиқармоқчимиз.

Панел сессиясида эса экспертлар келгуси беш йил ичида бозор муносабатларига мос келадиган молиявий тизимни яратиш юзасидан фикр алмашди. 

Бундан ташқари банк соҳасида трансформация жараёнларини якунлаш, хусусий сектор улушини 60 фоизгача ошириш ва рақобатбардош банк операциялари учун шароит яратиш ҳам муҳока қилинди.

Изоҳ
Асосий янгиликлар
Маҳаллий
“Права”ни янгисига алмаштириб берадиган онлайн хизмат фаолиятида носозлик кузатилмоқда
Маҳаллий
Ўзбекистонда газ заправкалар қайта очилиши кутилмоқда
Дунё
Россия Беларусга янги ҳарбий қисмлар жойлаштирди — Украина чегара хизмати