Бугун,

  • USD 11095.31
  • RUB 173.84
  • EUR 10772.44

Интенсив машғулотлар, вазн йўқотиш ва вазн ортиши актёрлар роллари ишонарли чиқиши учун мажбур бўладиган нарсалардан фақат бир нечтаси холос. Кино юлдузлари ўз ролларига қандай тайёргарлик кўрганлиги ҳақидаги қуйидаги фактлар кўплаб актёрлар қизил гиламга чиқиш учун кўп меҳнат қилишлари кераклигини исботлайди.

Женнифер Энистон

Фото: AdMe

Фото: AdMe

«Торт» (2014) фильмида Женнифер касалманд аёл ролини ўйнайди. Сурункали оғриқ синдроми бўлган бир неча дўстлари унинг характерини тушунишга ёрдам беришади. Актриса елкалари қимирламайдиган корсет кийган, бу уни текис юришга мажбур қилган. Корсетни 5 ҳафта мунтазам кийишдан сўнг, унинг ўзи оғриқни бошдан кечира бошлайди.

Аммо бир неча килога семириш зарурати актрисани умуман ташвишга солмаган. У фақат бир неча ой машғулотлардан воз кечиб, диетага қатъий риоя қилишни тўхтатди.

Метю Макконахи

Фото: AdMe

Фото: AdMe

«Даллас харидорлар клуби» фильмидаги роли сабаб 22 кг вазн йўқотиш учун актёр диетолог хизматидан фойдаланган. У Макконахини энг соғлом йўл билан керакли вазнга келтиришга ҳаракат қилади.

Метю газак ўрнига муз бўлакларини ейди. Вазн йўқотгач эса ўзини ҳар қачонгидан ҳам бақувватроқ ҳис қилади ва ҳатто одатдагидан 3 соат кам ухлайди.

Жейк Жилленхол

Фото: AdMe

Фото: AdMe

Сюжетга кўра «Эверест» картинасидаги воқеалар денгиз сатҳидан 8,5 км баландликда содир бўлиб, у ерда одамлар кислород етишмаслигини бошдан кечиради. Бу қандай эканлигини тушуниш учун Жейк Жилленхол ҳамкасби актёр Жош Бролин билан симуляторда шунга ўхшаш шароитни синаб кўришга қарор қилади.

Улар 8 дан 10 км гача баландликда бўлиб, симуляторда зарур бўлгандан кўра кўпроқ қолишга қарор қилишади, чунки уларга экстремаллик ёқарди. Аммо 3 кун ўтгач, актёрлар қаттиқ депрессияга тушиб қолади.

Натали Портман

Фото: AdMe

Фото: AdMe

«Қора оққуш» фильмидаги роли учун актриса ҳар куни бир неча соат балет билан шуғулланган ва бир неча километр сузган. У, шунингдек, кросс-тренингга ҳам қатнашган — мушакларига ишлайдиган машқлар.

Актриса баллерина қоматига эга бўлиб, 9 кило вазн йўқотган бўлса-да, унда қадоқлар пайдо бўлади, оёқ тирноқлари, ҳатто қовурғасини ҳам синдириб олади.

Деми Мур

Фото: AdMe

Фото: AdMe

«Аскар Жейн»даги роли учун 35 ёшли уч фарзанднинг онаси ҳатто профессионаллар ҳам орзу қилмаган жисмоний тарбия машғулотларидан ўтган. Гап шундаки, ҳақиқий курсантларга 17 ҳафта ўтиладиган интенсив машғулотлар актриса ва унинг 40 нафар ҳамкасби учун 2 ҳафтада ўргатилган.

Биринчи куни актрисанинг кўнгли айнийди, оёқларида пуфакчалар пайдо бўлади. Гарчи унга йигитлар билан тенг равишда машқ қилиш керак эмаслиги айтилган бўлса-да, у барча синовларни охиригача топширишга қарор қилади. Якунда эса Деми Мур сочини калга олиш орқали Жордан ЎНилга айланади.

Адриэн Броуди

Фото: AdMe

Фото: AdMe

«Пианиночи» фильмини суратга олиш учун Адриан ҳаётнинг одатий қувончларидан вақтинча воз кечишга қарор қилади: у севгилиси билан ажрашади, квартирасини тарк этади, машинасини сотади ва телефонларини ўчириб қўяди.

Бастакор Владислав Шпилман образига яхшироқ кўникиш учун Броуди кунига 4 соат пианино чалар, оч қолиб ўзини қийнарди. Шундоқ ҳам озғин актёр яна 14 кг вазн йўқотади.

Брендан Фрэйзер

Фото: AdMe

Фото: AdMe

«Кит» (2022) фильмида Фрэйзер руҳий тушкунликдан азият чекаётган 272 килограммли эркак ролини ўйнаши керак. Суратга олиш пайтида актёр махсус костюм кийиб, 23 дан 136 кг гача қўшимча юк кўтарган.

Бу жуда машаққатли эдики, Брендан кийимидаги юкларни олиб ташлагач, у боши айланганини ҳис қилади. Актёрнинг сўзларига кўра, кийимни кўтариб юриши учун ўзи ҳам мушакларини чиниқтириши керак эди.

Шарлиз Терон

Фото: AdMe

Фото: AdMe

«Талли» (2018) фильмидаги уч фарзанднинг онаси роли учун Шарлиз Терон 22 килограммга семирган. Бу актрисанинг нозик фигураси бузилишининг биринчиси эмас — «Махлуқ» (2003) драмасида у 14 кг вазн орттирган.

Аммо бу сафар Шарлиз нохуш оқибатларга дуч келади. Биринчидан, рациондаги кўп миқдордаги зарарли озиқ-овқат ва шакар туфайли актриса ҳаётида биринчи марта тушкунликка тушиб қолади. Иккинчидан, 42 ёшида вазн йўқотиш 27 ёшидагидек осон эмаслиги маълум бўлади. У яхши ухлолмайди, ўзини ёмон қилади ва зўрға юрарди. Натижада олдинги қоматига қайтиши учун 1,5 йил ўз устида ишлаш ва соғлом овқатланиши керак бўлади.

Изоҳ
Асосий янгиликлар
Дунё
Эрон олий раҳнамоси Европа давлатларида Қуръоннинг ёқиб юборилишига муносабат билдирди  
Молия
2022 йилда Ўзбекистонга пул ўтказмалари рекорд даражадаги 17 млрд долларга етди
Маҳаллий
Фотогалерея: Ўзбекистон ва Қирғизистон ўртасидаги тарихий алоқалар